SALMO 16
David wënëcanaxëana Jehová
—Xanë pexaniacuenia rajutsianajë pexaniajamatabëcuene Jehová, tsipaji bajaraPonë nemuxujiobabiaba pacuenia ponaponaejitsianë. Merawi tanajamatabëxainaejawata, nejamatabëcuenecujarubabiaba tanajamatabëcuenexanetsinexa. 8 Jehovájawabelia daxitamatacabi itaxutuajamatejemanë tsabiabia daxitacuenejawalia. BajaraPonë tacujuanenia penucaexae tsane tane-itsacueniabiyaniwa, nexata xanë aponatixitsinë tsane pijaliwaisiwecua.
9 Bajaraxuata, xanë ayaicuenia jamatabëcuenebarëyanë. Bajarapacuenia daxita tajamatabë-ëthëtowetsina siwanajamatabëcopatsianajë Jehovájawabelia itaxutuajamatejemaya. 10 Xanë Jehová tane-itapetsinë. BajaraPonë aponecopatsi tsane bajayajebi tanacopatsinexa mëthëjawata,b tanemëthëtsicujinae. Aponecopatsinua tsane taperabëtsabanaejawabelia. 11 Bajaraponë netsitajëtsiana namuto tapanepaenexa, itsajota aposajinae pebarëyacuene. Bajarajotalia, pecujuanenia ponaponaenajëc barëyaya daxitamatacabijawabelianexa —jai David Jehová pewënëcanaxëanaejawata.
C17—C18 […]