SALMO 8
Jiwi bitso ayaijamatabëcuenewi Dioso pexanaejawa peliwaisi
Israel nacua peyanacua-ewetsinë, David-pijinë, peyaquinaesalmoyo.
1 Jehová, patajaTuxanenëmë, daxitanacuanëpijiwi cawënëtane ayaijamatabëcuene nexainaejawa. Athëbëtatsia pejinawanapaewi-ata, cayapëtane ayaijamatabëcuene nexainaejawa.
2 Pejewaxi, mito-apaenacuetoxi-ata, naxëanaeya-exanaename. Nexata, panacuetoxi penaxëanaejawata, ayaijamatabëcuenenëmë yabara cawënëxaniata. Bajarapacuenia pecajumaitsixae tsane, nijawajabitsaë aura tsane. Moyanua tsane.
3 Itsa naëcotsiajë athëbëabetsia tataenexa nexanaejawanë, taniji juameto, tulupu-ata. Nexata, jamatabëcuenejumaitsinë mapacueniaje: 4 «Diosomë, jiwi matatoxenetsia bitso ayaijamatabëcuenenë-atamë, ¿detsa xuajitsia itsiata jiwi siwanajamatabëxainame newetsinexa?», jamatabëjanë.
5 »Jiwi exanae-atamë beweliajamatabëcuenewi ángelewiwecua, Itsiata, ayaijamatabëcuenewi tsawanapae. 6 Nexata, tocopatame jiwi ne-ewetsia-exanaenexa daxita nexanaecuene. 7-8 Tocopatamenua pacuenia jiwi najamatabëxaina pexanabiabinexa ovejajawabelia, vacajawabelia-ata, unupijiwijawabelia-ata, daxita pepunaewijawabelia daxita menepijidujuaijawabelia-ata, daxita manuamenejawa pejinawanapaewijawabelia-ata.
9 »¡Jehová, patajaDiosomë, ayaijamatabëcuene nexainaenë raja daxitawecua! Bajarapaliwaisi yacaëjëpa daxitanacuanëjawa», jamatabëjanë.
C9—C15 […]