2
11 Atúuha naliigolaaliik gájiiool gakaan mee min bugan gaagu peepe gupak. 12 Gájii gaagu go guliigenolaal ekat bakaaner bafeegut son may ekat fúraari fara baabe nꞌetaam, min uroŋaal nꞌdúniya ye buroŋ bara bugan gabaje úyeget son buroŋ bara bugan gátiliŋe, gákaanume Atúuha. 13 Mo alaal be éjuh uyabaal gásuumaay gaagu gan oomaal mee nenaak baabe nꞌdúniya, funak fan gasal gaagu gara Yéesu Kirista ammee Atúuhaolaal háamak son apagenaolaal, gubil mee éraŋul. 14 Ho asenooro mee bu nꞌalaal min apagenolaal nꞌsíjunubeolaal, min ñeer oomaal buganool gaset mee gahankene mee ekaan majage.