1. Ka Lalpen Krista thutiem haw a ding-in,

    Kumsawt chanin A chawihatna la gi hen;

    Chungnung penah lopina pak la sa’ng ka,

    Pathien thutiem haw achun ding-in.

Ding-in...... ding-in,

    Ka Hukdampa Pathien thutiem haw a ding-in;

    Ding-in...... ding-in,

    Pathien thutiem haw achun ka ding hi.

2. Thutiem det leh zuou ngeilo haw a ding-in,

    Ginlahna lauhna huihpi’n ei mut laiin;

    Pathien thuhing mangin ken zo zel ing ka,

    Pathien thutiem haw achun ding-in.

3. Thutiem haw chunga ding-in tun ka mu thei,

    Kei din thisana silthienna bukim chuh;

    Kristan suohchakna A siem achun ding-in,

    Pathien thutiem haw achun ding-in.

4. Ka Lalpa Krista thutiem haw a ding-in,

    Hehpihna guiin Amah tawh ei zawm hi;

    Thagau chemzam a nichenga gal do in,

    Pathien thutiem haw achun ding-in.

5. Thutiem haw achun ding-in puk ngei puo’ng ka,

    Thagau Thiengtho sapna hun chenga ngaitha’n;

    Bangkima ka Bangkim Lalpa a chawlin,

    Pathien thutiem haw achun ding-in.