1. Ka mawhna puokgik leh lei dahum hi,

    Thangvan ka et leh ziechun lut ka nuom;

    Van In nuom achun gitlohna umlo,

    Hungin ti a ei sapna Aw ka za’i.

2. Zie gam thiengtho leh lopi tak achun,

    Migilo ka hi ka ding ngam na dem;

    Zie Lalchutphah vam lopi ma achun,

    Mahleh va naih di’n khutin ei sam hi.

3. Nicheng in Van lampi chuh ka ngaihtuoh,

    Mahleh gitlohna’n nicheng in ei zui;

    Ka nakhang in thu kipahum ka za’i,

    “Kisik in, haiin hing inla” ei tii.

4. Ka zak hi Lalpa Isu Aw ahi,

    A khut in ei ban hi ei pui dingin;

    A thisan in, gitloh cheng a khuhmang,

    Lalchutphah maah dembei in ei kawih.

5. Kitupna Lalpa, kei di’n dawngin la,

    Na titna zalin kipahman keia;

    Linglukhuk Na khu’i keima’n Lallukhuk,

    Na thihna kei di’n hinna a hung hii.

6. Ka hun bat Lalpa hun din zo puo’ng ka,

    Mahleh lunggil in a theih chan pie hen;

    Ka pumin ka kipie’i ka lungthim tawh,

    Nei ngaihdamna chuh ka hengilh thei puoi.