1. Sawmkuo leh kuo chuh bittak in aum,

    Belam hawn huongsung achun;

    Khat chuh a pawtin tangah a mang ta a,

    Sana huong apat gamla takah;

    Belam chingpa nunnem chinna apat chun,

    * Tang sang lam gam awng leh lauhum achun (2)

2. Lalpa, ziehin sawmkuo leh kuo a um,

    Nang in ziechuh deihkhawp lo maw?

    Belamchingpa’n a dawng a, Zie hih kei a,

    Ka kieng apat a taimang ahi;

    Lampi chuh haksa leh to himahlele,

    * Gamgaw achun belam hawl di’n chieh ka (2)

3. Tatsate khat cha’n le a he puou hi,

    Tui ka’n ding haw thuk zie chuh;

    Leh Lalpa chiehna zanthim nasatak chuh,

    Belam mang A muh kit masieh chuh;

    Gamthip a Belam aw chuh A za ta a,

    * Panpih ding bei leh thi dinga na chuh (2)

4. “Lalpa, bang thi a him lamtawna va,

    Tanga lampi-a umhaw khuh?

    Belam khat a man zieka thi pawt ahi,

    Belampu’n a puih kit masieh chu;”

    “Lalpa, Na khut bangin a sukliem ahim?

    * Tuzana ling tampi’n a sut ahi” (2)

5. Tang sang, van nim, van gi lak apatin,

    Leh kawlsie chunglam apatin;

    Van kawtkhak a chun aw khat a gi to-in,

    “Lawp un, belam ka mu tai!” a tii;

    Lalchutphah, vela Angelte lasak in,

    * “Kipakun, Lalpa’n A mudawk kit tai” (2)