ONCE IN ROYAL DAVID’S CITY
Luke 2:11
S.S. 32. - T.S. 50
Doh is G
1. David lengpa khawpi achun,
Gan In tawmtak a um a;
Ziechun a nun Nausen a siel,
Gankuong zalkhun a mangin;
Chunnu nunnem chu Mari,
A cha chuh Isu Krista.
2. Van apatin leiah A hung,
Pathien Lalte Lal ahi;
A kingakna gan In tawm hi’n,
A puon luoi gankuong ahi;
Gimthei, chagah liengvai in,
Leiah Hukdampa a um.
3. A naupan lai hun cheng cheng khan,
Mi a zahin, thu a ngai;
A nu Amah hun dawntei chuh,
A hehpihin, A enkawl;
Kristien naupang cheng cheng le,
Amah bangin um chiet un.
4. Amah umdan zuih ding ahi,
Ei bang’ nichengin A khang
Neu, hatlo, panpihbei ahi,
Kah leh nuih ei bang A hei;
I lungkham ei thawk pih a,
I kipah ei kipah pih.
5. A tawpleh I mitun mui tiu,
A hehpih tatna ziekin;
Zie Naupang ching leh ngaihum chuh,
Vana I Lalpau ahi;
A chiehna mun lam zuonin,
A chate A puizel hi.
6. Gan In tawm, a sika bawngchal,
Dinna mun hita loin;
Van a chun Amah chu mui tiu,
Pathien khut changlam achun;
Puon vam silhte um vela,
Chawihat a A um tieng leh.