Lili Pak Lunna Gam
C.Z. Huala
1. Damlai tuipi kinawk khel lama chun,
Ka lunggulh gam vak hawih chu a um;
Ka ngaklah ngei ie, Hukdampa lawia,
Lenkhawm phat ding, len guol ngaih cheng tawh.
Ei tun in Aw, ka Lalpa deihum,
Lili pak lunna Na mun hawih chu;
Aw bangtik phat leh kei ka tung dem;
Hukdampa mun tiem khenlohna gam.
2. Ka hun ngai diek hi, Lalpa lungkham nin,
Ginnan ei thilsak in ziegam chu;
Aw, hung hawih diekin ka lunggil sungah,
Chun hai ingka lungkham ka kah chu.
3. Tu khun ei ngak zing ui, ka lungdeih te’n,
Hukdampa lenna Zion a khun;
Aw bangtik phat leh keile ka tung dem?
La sak pih ka, kikhen talo din.
4. Ei na kai inla Aw ka Hukdampa,
Ka mauna gamgaw gam apat hin;
Zuon zel ingka Belam No Lal lenna,
Aw khenlohna gam kumsawt pielgal.
_______________