1. Ka gal kangthal chuh kawih puong ie,

    Kei ka chenna dogal hatna;

    Ni cheng in thempa’n ei them hi,

    Aw, Ka Tanpa chu taihsan dingin.

2. Chau leh nguia ka um laiin,

    Nang di’n taihmel ka put laiin;

    Galhatte dinga Lallukhuk,

    Aw, Na siem chu hun gen kit zelin.

3. Aw zuk entie ei Hukdampa,

    Na thisana na tatsate;

    Sietlei sau dai kulh thim sungah,

    A tang ui, Lalpa simsen loh te.

4. Nang na tel chun sietlei dogal,

    Zo ing ie Na thisan ziekin;

    Na vanglien go luohpih dingin,

    Aw henkawl nang bang hun phel ingka.

5. Dan leh taikhuo a hung vak tieng,

    Ka Hukdampa chu mu’ng ka ting;

    Ziechun galthuom chu kawih tangka,

    Aw, puon lopi ei silhsak ina.