Ka Pa Ka Mukit Tai
V.T. Kappu
1. Hukdampa hih ka hetma chun,
Midang Pathien ahim ka tii;
A chanchin pha ka vak sim leh,
Ka pa, ka mansak kha ahi.
Ka manna lauhuma ei hawlna chu,
Gimtheih tincheng A hung thuoka;
Ka thagau hukdam na di’n
2. A chanchin vak gen zieng hin le,
Lunggil a sukipak ngei aw;
Thagau a hetsakna vang chun,
Mitthi a luong lo thei puoi.
A bukima muh chu ka nuom ngei aw,
Ka gitloh thienna ding thisan
A luonna pawn ngei kha le.
3. A thih ding kuon khan le Isu,
A melmate di’n A paucham;
“He pa, amau hi ngaidam in,
A thilhih a he puou” tin.
Hehpihna a le a tawpkhawk ngei ie!
Pathien hehpihna Kalvari;
Khela genthei a um puou.
4. Mi gilo keihaw a dingin,
Na kipie zo ngei ie Isu!
Na silhpuon le na chang puo maw?
Na puonak di’n phun a san ui.
Hinna pie khawp hiel a ei Hehpihpa,
Ka thih ding kuon chanin Lalpa;
Lungin hun ngilh hiel puong ka.
_______________