1. Zawlnei genlawk van Mang Vawnchawih.

    David suona hung pieng ding;

    Lengmang Kaisar Lal gam kimvel ah a than laii’n,

    Angel lopi hung tuol kum in, A hun phawng ui Belampute;

    “Ngaiun tuni’n David khawpi achun,

    Hukdampa a pieng tai, A min Lal Krista chuh,

    Na het nang un Nausen puontuom Gankuong sung achun mu’n lau.”

2. Tichun Van mi thiengtho simsen

    Loh ten kipakna la san;

    Bawng-In tawma Nausen mimbang pieng a chawian ui,

    Singkhuola zing-zin michingte, Leh van aksi vak hawihtak chun;

    A hun zuon ui van Lal vawnchawih Nausen,

    Mimbang a a pien na, Bethlehem a Bawng-In

    Belamputen le kipak in; Lal chibai a va buk ui.

3. Sietlei hingmi namtin vawnchawih,

    Thihna dailim a leng te;

    Van Lal pienna lawm din Bethlehem ah chieh hitiu,

    Zie gam thiengtho a Nausen chuh, A min ‘Mak’ ‘Lalmang’ chu ahii,

    I neih go thil phate chawiin kipah

    Na zaila sakawm in, Chibai vabuk hitiu,

    Hallelujah lopi pen hen, Kumsawt Lengmang hung pieng chuh!