Bethlehem ah mun a um puoi
Rokunga
Doh is A
1. Ngai tie, van Lal Cha chu Bethlehem bawng In tawmah
Hingmi vawnchawih in A hung pieng a;
A lal lopina, van chutphah chu hun nusie’n,
Ei tan dingin bawng In tawmah A hung pieng hi.
Ka hun lawp ui lei leh van Lal lopi,
Theihtawp in na pakna la sa’ng kau;
Liengvaite leh gimtheite Lalpa,
Ma khan Bethlehem ah nang di’n mun a um puoi;
Tuhin vang Nang di’n mun a um ka lak u-ah.
2. A pienna mun tawm tak Bethlehem bawng In lo chu,
Amah dingin mundang a um puoi;
A lu A nga tai, Bethlehem bawng In tawm ah,
Lei lalte leh Amah miten a na deih puou.
3. Lal chungnung mun chungnung pena chengsa Lal Isu,
Lei lalte’n Amah do mahleule,
Kei a dingin vang Lal deihum pen a hi ie,
Liengvai I kipahna dinga Lal hung pieng hi.
4. Ma khan Eden huona hinna Kraun lul I mansak,
Tuhin Lalpa’n ei muh sak kit tai,
Apau kamsuok hehpihna, liengvai ei nempen,
Zingsawl Aksi sanga vak hawih Lal deihum hi.
5. Ma khan chu Bethlehem ah Nang di’n mun a um puoi,
Nang mithiengtho van Lal penna di’n;
Tuhin vang ziehin Nanga di’n mun a um hi,
Isu ka kawm u-ah chengin, ei umpih in.
_______________