jiiaytada tapp heka muutayta
15
1 ishaak pil ikkaanenne shammotin moontalle akk;
hitaymiyya tapp iyyaan jiiayta tapp se miir Mooha inkaysaanninu harkaddu qall qapadin akk.
2 lamm pakatet kaawat it apittin lahantep kishshun akk;
lamm iyyaan pinant settenne paahnat pinant settetenne ishshaak dihaassa mahh settetin pushennon akk;
iyyaa shonqaan Moohot iyyaa dayy qapaden pakatet kaawwat sett kapi ellen antu akk.
3 iyyaanno laalet erkamampayt Mooha hekat muusenne hekat laah settet sedep kidin laalannin,
"hed se heikk fottiyyu Mooha poldallo!
erkamoott iyaan kaanenne shammot;
Daam siipatello!
paanaatt tsillotanne shaakket.
4 polda!
iyy hed huura diinniyyonne
mahhaayt serkisa diinniyyu ayno?
hedeeh miilampayt;
oot erkama tsilloshayt ishshahmaden maalla,
siipat dahenn deyinan hedi shoomanninan."
5 sekannanno hentooy;
man miilot se tunkaan maanyet koddenno moontalle heqahisam,
6 hitaymiyya tapp iyyaan jiiayta se tapp qapadenno man miilot sett talla sohaden;
uuwaat sira it miilt pipilliiqishshu uuwaden;
tomposaddonno iyaan worqetap kiyyan hidaden.
7 uuma se kiyyat qapu afur ilanno shokku waallawwa worqet ila soorumam tapp iyyaan miir Mooha se parparaashsh hak parparati kallaanninun innaakood hitaymiyyaan tappi daayy.
8 man miilot settetenno serkaanne irrot Mooha minann qayyaann innaakood;
hak jiiaytadaan tapp hin hitaymiyyaan tapp qapaden kaysaaninaness amm aynonno man miilot sett tallop kala hefottemu.