hitaym yewannis halpattiyya
paanussa
1
1 kayiyoss se hoxsasham antu shaakket hoxsaanniyyoss;
an qimaayt kapa hitaymaan hitam.
2 moyshe,
ikkim kallashitt hedi seninnintu,
att andot qafnaannintu nafseshaytenno haysot akkannintossin hedi Mooha dinkamin.
3 shaakketi amaanamaaytenne shaakketin mimmitaataayt helpaan kafaaynu kristaana karatiddu deyen ani lelene,
ikkaanessin masmas.
4 maanaasse,
meddaawu shaakketin mimmitaatan kaallaataaddu dakaya qareell,
hepil iyaan an masmasusinniyy amm hekiyyanemu.
aypisama kayiyos
5 moyshe!
et keessumma hedi koddan nafenno,
kafaaynoss amaanamaann ierkannin.
6 iyyaanno erkama hoxsunt hin att iyyaa erkatt kristaanaass lelen;
ammannenno paana Mooha masmassusinniyyun et antonaaddoss iyyaa hess kid dikkaannaayen.
7 helpaan iyyaa kristoosi erkasa sohanniyyane,
orr Mooha amaana diiyy qara amm akkan heqeeddadenemu.
8 erkama shaakket ila qotan qafnaattaass,
orr iyyaap kiyy qarqaara innu fadusinnin.
jiixisama tiyotrefesenne aypisama timetsiros
9 tureeshsh maapar kirstaanatess hitaym hentsaafi;
hekoddu male tiyotrefes hin sinkitt maapar krisataana kodda fadiyyu amm qaapaawu qeeddanniyyamu.
10 semmaalla helpaan antu inn kapop deyiyyo,
iyyat innu otiyyu,
mahh innu qara patinniyyu iyyaan nayq iyyat innu qari erkayy dahennin inni lelina.
sedeeh koda male,
iyyat mashshayyess kafaaynu amm qeeddanniyyamu;
orr pilanno ikkim iyyaa inqeeddanniness dawiriyy;
maapar krsitaana ilanno all sohashshinnin.
11 moyshe!
nam dikk paahnaadu male,
se nayq pahanaatta diiy.
nam erkamaan dikk erkanniyyu dahenn heka Moohaat;
hin lamm erkamaan nayq erkanniyyu amm Mooha heakkemu.
12 namat dahenn dikkuma timetsiros ishaamin.
shaakketanno mashshaddess iyyi maanyetum.
innonno iyyass maanyet;
lel maanyetumaynotenno shaakket kodaadd heufutan.
paanussa muutayta
13 antu hed tsaafa fadiyyu iyaan lekin qap;
hekoddu male woraqata qari hedi ufunaitisa amm fadinkiyyamu.
14 helpa deh ilass hed akkaassin irraxatet kodanin;
helpaanetten ollin ishaamannina.
15 andot hedi kodditu.
moyshada dahenn paanussa hedi dehannin.
hedenno moyshadaannoss mahh mahhaddun paanussaawu iyyaa dehayii.