¹ अब्रहाम कि सन्तान, दाउद कि सन्तान, अर यीशु मसिह कि वंशावलि | ² अब्रहाम बटी इसहाक पैदा ह्वे इसहाक बटी याकुब पैदा हवे अर याकुब बटी यहुदा अर वेका भै पैदा ह्वेनि | ³ अर तामार बटी फिरिस अर जोरह पैदा ह्वेनि; फिरिस बटी हिस्रोन पैदा ह्वे,अर हिस्रोन बटी एराम पैदा ह्वे, ⁴ एराम बटी अम्मीनादाब पैदा ह्वे, अर अम्मीनादाब बटी नहशोन, अर नहशोन बटी सलमोन पैदा ह्वे, ⁵ सलमोन अर रहाब बोअज पैदा ह्वे, अर बोअज अर रूत बटी ओबेद पैदा ह्वे, अर ओबेद बटी यिशै पैदा ह्वे, ⁶ अर यिशै बटी दाऊद राजा पैदा ह्वे | अर दाऊद बटी सुलैमान वीं जंनन बटी पैदा ह्वे ज्व पैलि उरिय्याह कि घर वळि छै, ⁷ सुलैमान बटी रहबाम पैदा ह्वे, अर रहबाम बटी अबिय्याह पैदा ह्वे, अर अबिय्याह बटी आसा पैदा ह्वे, ⁸ आसा बटी यहोशाफात पैदा ह्वे, यहोशाफात बटी योराम पैदा ह्वे, अर योराम बटी उज्जियाह पैदा ह्वे, ⁹ अर उज्जियाह बटी योताम पैदा ह्वे, योताम बटी आहाज पैदा ह्वे, अर आहाज बटी हिजिकिय्याह पैदा ह्वे, ¹⁰ अर हिजिकिय्याह बटी मनश्शिह पैदा ह्वे, मनश्शिह बटी आमोन पैदा ह्वे, अर आमोन बटी योशिय्याह पैदा ह्वे; ¹¹ अर बंदी ह्वेके बेबीलोन मा जांणा का बगत मा योशिय्याह बटी यकुन्याह, अर वेका भै पैदा ह्वेनि | ¹² बंदी ह्वेके बेबीलोन पौंछाये जांणा का बाद यकुन्याह बटी शालतिएल पैदा ह्वे, अर शालतिएल बटी जरुबाबिल पैदा ह्वे, ¹³ अर जरुब्बाबिल बटी अबीहूद पैदा ह्वे, अबीहूद बटी इल्याकीम पैदा ह्वे, अर इल्याकीम बटी अजोर पैदा ह्वे, ¹⁴ अजोर बटी सदोक पैदा ह्वे, सदोक बटी अखीम पैदा ह्वे, अर अखीम बटी इलीहूद पैदा ह्वे, ¹⁵ इलीहूद बटी इलियाजार पैदा ह्वे, इलियाजार बटी मत्तान पैदा ह्वे, अर मत्तान बटी याकुब पैदा ह्वे, ¹⁶ याकुब बटी यूसुफ पैदा ह्वे, जु मरियम को आदिम छौ, अर मरियम बटी यीशु पैदा ह्वे, जैकु मसीह बुळदिन | ¹⁷ त इनकै अब्रहाम बटी दाऊद तक चौदह पीढ़ी ह्वेनि, अर दाऊद बटी बेबीलोनौ कु बंदी ह्वेके पौंछाये जांण तक चौदह पीढ़ी, अर बंदि ह्वेके बेबीलोन पौंछाये जांणा का समय बटी मसीह तक चौदह पीढ़ी ह्वेनि | ¹⁸ यीशु मसीह को जन्म इनकै ह्वे, कि जब वेकि माँ कि मांगण यूसुफ दगड़ी ह्वे छै, त ऊंका इकट्ठा होंण से पैलि व पवित्र आत्मा कि तरपां बटी गर्भवति पये गे | ¹⁹ अर वींका आदिम यूसुफ न जु कि धरमी छौ अर वींतै बदनाम नि कनं चांदु छौ, अर वेन चुपके से वींतै त्यागणों को विचार कैरि | ²⁰ जब उ यूं बातुं कि सोच हि मा छौ त प्रभु को स्वर्गदूत वेका सुपन्या मा ऐके बुनं लगिगे, '' हे यूसुफ ! दाऊद कि सन्तान तु अपंणि मंगेतर मरियम तैं अपंणा इख लौण से नि डैर, किलैकि जु वींका गर्भ को फल च, उ पवित्र आत्मा कि तरपां बटी च | ²¹ व नौना तैं जन्म देलि अर तु वेको नौं यीशु* रखि, किलैकि उ अपंणा लोगुं को ऊंका पापुं बटी उद्धार करुलो |" ²² यु सब इलै ह्वे कि जु वचन प्रभुनं रैबारया का द्वारा बोलि छौ, उ पूरो ह्वे जौ : ²³ देखा कि एक कुवांरी नौनि गर्भवति ह्वेलि अर एक नौना तैं जन्म देलि अर वेकु नौं इम्मानुएल रखे जालु, जैको अर्थ च-- कि परमेश्वर हमारा दगड़ा मं च* | ²⁴ तब यूसुफ़ निदं मा बटी बिजि के प्रभु का दूत कि आज्ञा का अनुसार अपंणि मंगेतर तैं अपंणा इख लैगे; ²⁵ अर जब तक वींन नौंना तैं जन्म नि दींनि तब तक उ वीं मु नि गै* : अर वेन वेको नौ यीशु रखि |