Waɗiino e jamanuuji, debbo e cukalel mum na wi'ee Girbel. Nyannde gom Girbel yoppaa kam tan wuro. Innam yo luumo yehi. Kanko tan yoppidaa suudu. Sukaaɓe worɓe du njahannoo. Ɓe ɗomɗi. Ɓe mbi'i ɓe ndewan nder wuro ɓe tewta ndiyam ɓe njara. Ɓe njottii suudu Girbel en.

Girbel yi'unoo sukaaɓe worɓe ni ummii heɓa joota ɓoy. Ɓe ɗaɓɓi ndiyam ɓe njara. Girbel nyeɗi hokki ɓe. Ɓe njarnoo ni ɓe taaɓii. Ɓe mboɗɗinoo seeɗa ni gooto maɓɓe ƴami: "Anndi ɗume cukalel deel lobbel ngel leɓdi on?" Gooto jaabii wi'i yiɗaanaa tawenoo o yaaye gootom; ɗiɗaɓo o, wi'i yiɗaanaa tawenoo o deekum. Tataɓo jaabii wi'i koo walaa fu ko Girbel leɓdi so wanaa laɓi daande. Ni na ɓe njaha.

Suka gorko tataɓo o, wi'i yeggitii saayam wuro ngo ɓe mbittii ngo. Sukaaɓe worɓe ɗiɗooɓe ɓe, annditii koo Girbel o haajaa yeeƴanaade. Heddii ɓe mbi'i ta o yeeƴoo koo ɓe kokkoran o saaya. Ni na ɓe njaha. O warowi o wi'i o yeggitii sarla makko wuro ngo ɓe mbittii ngo. Kanaa o yeeƴoo o hooƴowa. Heddii ɗiɗo ɓe mbi'i ta o yeeƴo koo ɓe kokkoran o sarla. Ni na ɓe njaha. O warowi o wi'i o yeeƴoto wuro ngo ɓe mbittii ngo saboo o yeggitii yonki makko. Jaadiraaɓe makko mbi'i o yeeƴoo ndelle, saboo ɓoy ngalaa yonki ɓoy kokka o.

Ni o yeeƴii ɗo Girbel. Nde suka gorko yottinoo ɗo Girbel ni ɗaɓɓi ndiyam yara. Girbel nyeɗi ndiyam hokki o. O wi'i waɗii ndiyam tuunuɗam. O ƴami Girbel ko saabii de hokki o ndiyam tuunuɗam. Girbel wi'i hokkay o ndiyam tuunuɗam saboo yuuguure innam itti ɗam, hondonoore innam du ittiri. Fu yo hejja lawƴaa. Suka gorko fii ɓalinngo. Ɓanti gitem leetii Girbel. Kulol ƴeenyi Girbel; ɗo ɗum wari heɓa ɗum rappitoo ɗoon, suka gorko suuwi ɗum laɓi; heddii wari o.

Inna Girbel sippidinnoo kosammum ni ɓoylitanii wuro. Yottii tawi walaa ɗo yottee. Gooto ngoodaaɗo maayii. O nyonii, o fii wullaandu de o ƴami moy waɗani o nih Girbel makko. Suka suuɗinoo na ndaara Girbel na waree. O itti o fillanii inna Girbel ko o yi'i. Inna Girbel dillani suka gorko.

Ɗo inna Girbel yottii fu ƴama:

Mo o ƴami fu jaaboo o:

Nih faa ɗo o tukkowi gorko gomma. O ƴami ɗum:

Suka gorko wi'i yo kam wari Girbel. Inna Girbel jaabii wi'i kanko pay haajaa waɗa gorum. Ni ɓe ndewondiri ɓe kondi wuro suka gorko.

Nde weetunoo fu suka gorko wentori. Inna Girbel tewti laɓi taƴii hoore makko wubbi e conndi waɗi ba sobbere nih. O tewti horde mawnde o watti hoore suka gorko de o ɓeedi cobbe togoose. Ni o fawiri wuro inna suka gorko.

Inna Girbel yottinoo wuro esiraaɓem ni ƴamani suudu esum debbo. O hollaa ɗo suudu nduun woni. O tawi esiyo o yo neewu. Ley ɗo o neewi ɗo fu, diiro makko na ɓuri diro jokolle. O wi'i o monoke o mooroke saboo dey ɓiiko warii heɓa ndaara o. Ɓe njootondiri faa jootiiru yottii. Debbo neejo itti cobbe yeɗi hoddiraaɓe. Wari heddi sobbere ɓurunde fu ɓuttidilde. O adi nde o wi'i o feccan o waɗa cemmbam. Ni o hawri wuyko ɓiiko gorko. O haasi. O ƴami inna Girbel sobbere ɗumeere waddani o. Inna Girbel fillanii o ko ɓiiko waɗi Girbel mum.

Ndelle so neɗɗo na waɗa ko boni fu, miiltoo faa woɗɗina.