11. Inna Kummbowel Kodda
Waɗiino e jamaanuuji, debbo wuurunoo nder ladde. O rimi ɓikkoy makko tatoy: Hammadiyel, Sammbowel e minyiragel muɓɓoy na o noddira ɗum Kummbowel Kodda. Nder luuro waande o wuuridi e ɓiɓɓe makko.
Nder luuro waande to debbo men resata ɓiɓɓem de dilla tewtiiru nyaamdu. So o wartii, o daroo daande waande ɗoon de na o wi'a:
Fiili war jaɓu,
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Ni ɓikkoy makko mbuytoo musina. Na worndi noon faa wari ɓooyi. Njannde gom njuuraa juwi debbo men na musinnina ɓikkoy mum. O suuɗii gaɗa wuumoore heɓa debbo dilla de o lutta o ada ɓiɓɓem o hirsowa o nyaama. Ɓikkoy musinnoo ni ndoggi naati nder luuro waande. Ni enniyo dilli. Njuuro lutti. Memi nanngude sukaaɓe ɓe, ni hunngorii.
Nyannde gom njuuraa warti moggii gaɗa waande. Inna koreeji yottinoo daanda waande ni fuɗɗi:
Fiili war jaɓu,
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Njuuraa hettinii faa wooɗi. Ɗum anndunoo inna koreeji dillii ni ɗum lutti. Njuuraa yottinoo daande waande ni fuɗɗi:
Fiili war jaɓu,
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Njuuraa yottinnoo ni kummbowel Kodda jaabii wi'i:
Fiili hey waray,
Fiiloodu hey waray,
Tattoru hey waray,
Kummbowel Kodda wartaa toon.
Fiiloodu hey waray,
Tattoru hey waray,
Kummbowel Kodda wartaa toon.
Kummbowel Kodda annditii koo daande nde, wanaa daande innam. Hammadiyel salii wi'i wuytoto. Ni ɗum wuytii. Tawi njuuraa na heɗinoo. Njuuraa nanngi ngel ƴakkowi.
Nanaa inniyo na warta. Ɗum yottinoo ni ɗum darii daande waande dagu no woowirnoo nih:
Fiili war jaɓu,
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Bikkoy keddiikoy mbuuytii musini. Inniyo ƴamani mawniragel makkoy. Kummbowel Kodda itti filli. O wi'i: "Goɗɗo wari ɗo. O nyemmitaanaa daande maa. Mawniragel amin le waaway senndi daande maa e daande nyemmintinɗo ma. Illa ngel wuytinoo ngel wartay.
Heddi inniyo tindini ɓiɓɓe. O wi'i fay moy wari, ɓe tinnoo ta ɓe mbuytoo so wanaa kanko tawaa. Ni o dillani tewtoyde njaamdu nder ladde. Nyannde gom gadi leenga wartii. Wi'i ko wi'unoo:
Fiili war jaɓu,
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Fiiloodu war jaɓu,
Tattooru war jaɓu,
Kummbowel Kodda doggu war jaɓu.
Ni kummbowel Kodda jaaɓii:
Fiili hey waray,
Fiiloodu hey waray,
Tattoru hey waray,
Kummbowel Kodda wartaa toon.
Fiiloodu hey waray,
Tattoru hey waray,
Kummbowel Kodda wartaa toon.
Sammbowel wi'i wurtoto musina. Kummbowel Kodda haɗi o. Holli o koo wanaa inniiɓe. Sammbowel jaɓay. Wurtii. Leengaa nanngi ɗum nyaamowi.
Warowi inniyo warti. Yottinoo daande waande ni wi'i ko woowunoo wi'ude. Kummbowel Kodda wurtii musini. Innam ƴami ɗum toy Sammbowel woni. Kummbowel itti fillii. O wi'i: "Ko warannoo Hammayel warani Sammbowel. Mi miccintinii ko tindinnoɗaa min, o jaɓay." Heddii kummbowel Kodda e innam mbattiti lunnde.
Ndelle koreeji, kakkilanee tindinoore saara.
Isiyaaka Bari