Muusaa forti juŋngo mum e dow geej he. Tan geej oo feccii pecce ɗiɗi. Haa njoorndi yalti, Isra’iila’en ndewi heen. Misiranaaɓe ɓee ne, ndewi e maɓɓe, haa ɗo Isra’iila’en ƴeeŋtata ɗoo. Tawi Misiranaaɓe ɓee fof lommbiima e hakkunde geej hee, Alla ommbi geej e dow maɓɓe. Hay gooto e maɓɓe daɗaani. Kono tawi, Isra’iila’en ɓee fof taƴcii geej oo. Wi’aama wonde nde geej oo feccii nde sawndooji ɗii, mbaynoo kono ɓale mahaaɗe nih.
Ko e oon ñalawma Joomiraaɗo daɗndi Isra’iila’en e juuɗe Fira’aawna e watulaaɓe mum. Isra’iila’en njiy kattanɗe Joomiraaɗo.