Ngati Misiranaaɓe ɓe ɗoo ɓe njiy ɗon so hannde ɓennii, on ngontaa yiytude ɓe haa abada. Maa Joomiraaɗo haɓano on tawa oɗon ndeeƴi.” Joomiraaɗo wii Muusaa, “Wiy Isra’iila’en, yoo ngimmo. Aan immin sawru maa ndu. Ɓam jungo maa ngoo portaa ngo e dow Geej hee. Feccit ngo Isra’iila’en ndewa e maa tawa ko e dow leydi njoorndi. So ɓe ndewi e mon maa mi anndin ɓe ko miin woni Joomiraaɗo joom baawɗe.” Alla waɗi maleyka gooto, yoo ardo konu Isra’iila’en loocol cuurki ina ardii ɓe. Nde wonnoo, ko jamma wonnoo bange gooto e maggol ina yaynii ko oon bange woni mo Isra’iila’en keedi, oya bange mo Misiranaaɓe ɓe keedi oo niɓɓinɗina. Ko ɗuum haɗi Misiranaaɓe ɓee waawde yettaade Isra’iila’en ɓee. Ndeen ɓe ndewii e loocol cuurki ngol woni maleyka oo, ardorii ɓe ngol. Haa ɓe njetti e daande geej hee,