Isra’iila’en ngummii Ramses. Ko ɓe hedde ujunaaje teemedde jeegom worɓe timmuɓe, tawa rewɓe e sukaaɓe ngalaa heen. Nde wonnoo ɓe ɓooyi toon. Wi’aama ɓe mbaɗi to leydi Misira too, ko duuɓi teemedde nayi e cappande tati ñande ɗi kiɓɓi ndee, ko ñande mum Alla yaltini ɓe leydi Misira, itti ɓe kadi e kalifaandi mbonndi.
Joomiraaɗo wiy Muusaa,
“Wi’i Isra’iila’en yo ɓe taaroyo ɓe njippoo e sara Pi Hahirot, hakkunde Migdol e geej oo.” Ɓe taaroyii, ɓe jippoyii to Joomiraaɗo wiy ɓe too. Ndeen Fira’aawna wiy:
“Isra’iila’en ɓee majjii e leydi hee jeereende uddii ɓe.” Alla wiy “Maa mi tiiɗnu hoore makko maa o rew e mon, kono maa mi wallu on; poolgu mbonngu e makko. Kaŋko e konuuji ɗi o wondi ɗii fof.”