Ɓe nokki ndoom-ndoomki duɗal, ɓe ngari e yeeso Fira’aawna. Muusa weddii ndi dow, ndi waɗi e dow yimɓe e dow jawdi, baraaji bonɗi wondude e puƴe ñabbuuli. Nde ɗuum ɓenni, kadi o jippini e maɓɓe musiiba marmalle, kadi o ɗeɓi halkirde ɓe toɓo fakit ngo; ngo hay gooto e nder leydi Misira fof meeɗaani yiyde ko wayi noon, gila leñol Misira ngol woodi. Kono nde wonnoo Alla wi’iino maa tiiɗnu hoore makko, waɗde dee nde tiiɗi haa nde wii kos.
Caggal ɗum kadi, Muusaa wuurti e maɓɓe baɓɓatti. Ɗi kebbini leydi ndii fof, leydi ndii niɓɓiɗi. Ɗi ñaami puɗi leydi e ɓiɓɓe leɗɗe e kala ko marmalle ɗee keddunoo. Alaa fof ko ɗuum ɓami e Fira’aawna.