Ɓe ngari ƴoogde ndiyam, ɓe kebbini mbalkaaji maɓɓe ngam yarnude oornde baaba maɓɓe. E oon sahaa, aynaaɓe ngari, ndiddi ɓe. Muusaa ummii, jiŋngani ɓe, yarnani ɓe oornde maɓɓe. Nde ɓe kooti, baaba maɓɓe, wii,
“Ko artiri on hannde law?” Ɓe njaabii mo, ɓe mbii, Misiranaajo gooto danndii min e aynaaɓe, kadi wallii min safde ndiyam ko min njarniri oornde ndee. ”
O wii ɓiɓɓe makko rewɓe ɓee:
“Hol to oon woni? Ko waɗi ngoppu ɗon oon gorko yehi? Noddoyee mo, o ara o ñaama.”
Muusaa ari, felliti wonde e galle oon gorko biyeteeɗo Yetoro. Oon rokki mo ɓiyum debbo biyeteeɗo Sipora yoo o res. Ɓe ndañdi ɓiɗɗo gorko, o inniri ɗum Gersom, ngati o wii ko o arani.
Ndeen yehii haa juutii, laamɗo Misira maayi.
Leñol Isra’iila ɓeydii lorlude, ina uuma e nder
kalifaandi, ina luuka. Ɗiin luukaali njettii haa e AlIa.