Masiixa waxaynu ku noqonnay kuwa dhaxla...(Efesos 1, 11).

Waa hanti uu qof dhintay uga tagay kuwa weli nool, inta badan xubnaha qoyska.

Sida ku cad Erayga Ilaahay, Ilaah wuxuu leeyahay dhaxal annaga, carruurtiisa. Waa badbaadada uu keenay Ciise Masiix tan xaqa ina siinaysa dhaxalkan. Wax kasta oo aan ku baranno buug-yarahaan waa qayb ka mid ah dhaxalka. Bawlos wuxuu ugu yeedhay dhaxalka "maalka ammaanta leh" (Efesos 1, 18).

Dhaxal-ku-xigeenku waxay la macno tahay in aynaan weli si buuxda u haysan hantidaas. Laakiin haddii aan la nool nahay Ilaah, haddii Ciise iyo Ruuxa Quduuska ahi ay inagu dhex jiraan, waxaynu dhadhamin karnaa hodantinimada Aabbahayaga jannada ku jira. Sida ilmaha laabta reerkiisa ku nooli uu ilaa xad ugu raaxaysan karo hantida aabbihiis. Oo helitaankeena buuxda ee dhaxalka jannada waxaa inoo ballan qaaday Ruuxa Quduuska ah (eeg cutubka xiga).

- Ducada: Ilaah baa mahad leh maalkii uu ku siiyay. Mid mid u tax. Ilaah weydiiso inuu ku caawiyo inaad si wanaagsan uga faa'iidaysato.

- Kitaabka Qudduuska ah: Akhri Efesos 1 oo samee liis dhammaan barakooyinkaaga ruuxiga ah.

- milicsiga shakhsi ahaaneed: Ma jiraan wakhti aad dareento saboolnimo? Miyaad ka masayrsataa kuwa kale oo aad mooddo inay kaa badan yihiin? Xusuusnow in hodantinimada Ilaah ay gacantaada ku jirto. Xusuusnow inay kuwani yihiin hodan aan ninna xadin oo aan kharribin.

Dhammaadka maalinta, qaado wakhti si aad uga fikirto midkee hodantinimada Efesos 1 aad awooday inaad isticmaasho maalinta oo dhan. Bilow buug yar oo xusuus qor oo qor nicmooyinka Eebbe maalin kasta.

- kuwa kale: Ilaah waxa uu rabaa in aan dhaxalkeena ruuxiga ah la wadaagno qoyskayaga iyo walaalahayada Masiixa. Subax kasta, dooro mid ka mid ah hodantinimadaada oo raadso hab aad ku "siiso" qof aad maalinti la kulanto.