Isu takasarudzwa naMwari, nyika isati yavambwa, muna Kristu, kuti tive vatsvene ( VaEfeso 1, 4 ).

Sarudzo idzidziso yakaoma kunzwisisa. Chakakosha kuti tisasungirwe nyaya yekuti sei vamwe vavhoterwa vamwe vasina. Uchangamire hwaMwari hunoreva kuti hatimbofi takanzwisisa zviito zvake zvose.

Chii chakakosha kurangarira pamusoro pedzidziso iyi:

- Ruponeso runotangira kuna Mwari. Akatora danho rokutanga kuponesa munhu. Takashatiswa nechivi zvokuti hazvibviri kuti titore danho rokutanga.

- Ichi chiito icho Mwari anoita ega uye pachake.

- Haashandisi maitiro akafanana nenyika yedu mukusarudza kwake (1 Vakorinde 1, 26 kusvika 29).

- Sarudzo yaMwari ine chinangwa. Akatisarudza kuti timukudze, kuti timushumire uye tiite mabasa akanaka.

- Munamato: Tenda Mwari zuva nezuva kuti uri mumwe wevasanangurwa vake.

Kumbira kubatsirwa naye kuti urarame zvakakodzera mumwe wevasanangurwa vaMwari.

- Kuverenga Bhaibheri: Verenga 1 VaKorinde 1, 26 kusvika ku31. Ndima idzi dzinotidzidzisa kuti Mwari haasarudzi semasarudzire anoita nyika. Ndezvipi zvaanoda pakusarudza? Nekuti Mwari haasarudzi "chakasimba" hazvireve kuti haatifunge.

Verenga Isaya 43, 4 woiyeuka nomusoro.

- Kufungisisa pachako: Unonzwa here kuti vamwe – murume kana mudzimai wako, vakuru vako kana vaunoshanda navo, nhengo dzechechi yako – havakuoni? Yeuka kuti uri mumwe we“vasanangurwa” vaMwari. Wakakosha zvikuru kuna Mwari. Anokurangarira. Wakakosha mumeso Ake. Kukosha kwako hakubvi pamadhipuroma ako, chinzvimbo chako munharaunda kana pfuma yako, asi ingori nenyasha kuti Mwari vakakusarudza. Kana ukangwarira, unozviona muhupenyu hwako hwemazuva ese!

- Kune vamwe: Bata noruremekedzo uye norudo hama dzako nehanzvadzi dzomudzimu, idzo dzakasanangurwawo naMwari! musazvidza vasina simba; Asi, varatidze kuti vanokosha mukuona kwaMwari nechechi.