Krisita la an fana kɛra ciyɛntalaw ye...(Efesekaw 1, 11).

O ye nafolo ye min tora mɔgɔ salen fɛ mɔgɔ minnu bɛ balo la hali bi, a ka c’a la, denbaya kɔnɔmɔgɔw.

Ka k ni Ala ka Kuma ye, Ala ye ciyɛn sɔrɔ anw ye, a denw. Yesu Krisita ye kisili min lase an ma, o de b an bila ka o ciyɛn sɔrɔ. An bɛ fɛn o fɛn kalan nin gafenin kɔnɔ, o ye o ciyɛn dɔ ye. Pol b'a wele ko "nafolo nɔɔrɔma" ciyɛn (Efesekaw 1, 18).

Ka kɛ ciyɛntalaw ye, o kɔrɔ ye ko an ma o nafolo dafalenw sɔrɔ fɔlɔ. Nka ni an bɛ balo ni Ala ye, ni Yesu ni Ni Senu sigilen bɛ an kɔnɔ, an bɛ se ka an sankolola Fa ka nafolo nɛnɛ kaban. I n’a fɔ denmisɛn min sigilen bɛ a ka denbaya kɔnɔ, o bɛ se ka a fa bolofɛnw diyabɔ kaban fo ka se hakɛ dɔ ma. Wa an ka sankolo ciyɛn sɔrɔli dafalen layidu tara Ni Senu fɛ (a lajɛ tilayɔrɔba nata la).

- Delili : 1 .Aw ka barika da Ala ye nafolo min di aw ma. U tɔgɔ sɛbɛn kelen-kelen. Ala deli a k’i dɛmɛ ka baara kɛ n’u ye ka ɲɛ.

- Bibulu kalan : 1 .Efesekaw 1 kalan ani ka i ka dugaw bɛɛ sɛbɛn alako ta fan fɛ.

- mɔgɔ yɛrɛ ka miirili: Waati dɔw bɛ yen i b’a miiri ko i ye faantan ye wa? Yala i bɛ keleya mɔgɔ wɛrɛw la minnu ka ca ni i ye wa? I hakili to a la ko Ala ka nafolo bɛ i bolo. Aw k’aw hakili to a la ko ninnu ye nafolo ye, mɔgɔ si tɛ se ka min sonya, wa a tɛ tiɲɛ.

Tile laban na, i ka waati ta ka miiri Efesekaw 1 ka nafolo la, i sera ka baara kɛ ni min ye tile bɛɛ kɔnɔ. I ka kaye fitinin dɔ daminɛ ani ka Ala ka dubaw sɛbɛn don o don.

- ka taa mɔgɔ wɛrɛw ma : .Ala b’a fɛ an k’an ka hakili ta fan fɛ ciyɛn tila an somɔgɔw ni an balimakɛw ni an balimamusow cɛ Krisita la. Sɔgɔma o sɔgɔma, i ka ciyɛn nafolo dɔ sugandi ka fɛɛrɛ ɲini k'a "di" mɔgɔ ma i bɛ min sɔrɔ tile fɛ.