Yesu la, an b kunmabli sr a joli barika la (Efesekaw 1, 7).

Daɲɛ "kunmabɔli" ye daɲɛw kulu dɔ ye minnu bɛ kisili ɲɛfɔ. A kɔrɔ ye ko "ka siri yɔrɔ jan", "kisi". A bɛ kunmabɔli hakilina lawuli, i n’a fɔ jɔn, min sirilen bɛ matigi dɔ la, ani min hɔrɔnyalen don ni wari hakɛ dɔ sarali ye. Hadamaden ye jurumu ni a kɔlɔlɔw ka jɔn ye, o ye saya ye. Kunmabɔli b’a hɔrɔnya ka bɔ jurumu fanga la ani a nɔfɛkow sariya siratigɛ la.

A ka kunmabli baara la, Krisita ye kunmabli sɔngɔ sara hadamadenw bɛɛ ye. A sɔngɔ jiralen don ka jɛya a cogoya la: Krisita joli don. Ikomi an kunmabɔra o sɔngɔ la, an ka kan ka baara kɛ mɔgɔ ye min ye o sɔngɔ sara (1 Kɔrɛntekaw 7, 22 fo 23).

Kunmabli b se ka k ni hakilina jɔnjɔn saba ye: (1) hadamadenw kunmabɔra fɛn dɔ la, o ye jurumu ka jɔnya ye; (2) u kunmabɔra fɛn dɔ fɛ, sɔngɔ dɔ sarali fɛ, o ye Krisita joli ye; (3) u kunmabɔra fɛn dɔ kosɔn, n’o ye ka hɔrɔnya. Ni u hɔrɔnyara ka ban, u bɛ wele ka u yɛrɛ kɛ Matigi ka jɔnw ye, ale min y’u kunmabɔ.

- Delili: I ka don o don delili la, i bɛ se ka barika da Ala ye, a kɛlen k’i kisi jurumu, saya, jatɔya ma...

- Bibulu kalan: ka to ka Yesu ka saya maanaw kalan, misali la Luka 23, 33 fo 49. Miiri k’a filɛ i bɛ jama cɛma ka gengenjiri lajɛ. I hakili jigin Yesu ka sarakaba la.

- Mɔgɔ yɛrɛ ka miirili: I ye nafa sɔrɔ a denkɛ Yesu ka kunmabɔli la.

A ye aw hɔrɔnya ka bɔ Sitanɛ ka jɔnya la. Nka, yala i hɔrɔnyalen don tiɲɛ na wa? I ka i ka ɲɛnamaya sɛgɛsɛgɛ ni Ni Senu ka dɛmɛ ye walasa k'a dɔn ni i ye Sitanɛ ka "jɔn" ye hali bi. Yala delinako juguw bɛ i la hali bi minnu tɛ nɔɔrɔ da Ala kan wa?

- ka ɲɛsin mɔgɔ wɛrɛw ma: Kisili nafa ka bon ka tɛmɛn fɔlɔ kan ni a tilalen don mɔgɔ wɛrɛw fɛ. I ka Yesu ka kisili laseli si kelen dɔgɔkun kɔnɔ, mɔgɔ dɔ ma min t’a dɔn fɔlɔ.