Muharuuro 26

Abahisiraheeri bashubi haruurwa ubwa kabiri

1 Ikyanya Nahano akamala kirya kiija mu Bahisiraheeri, anabwira Musa na Heryazaari mugala : 2 «Yaba Bahisiraheeri booshi, mubaharuurage, ukukulikirana neꞌmbaga zaabo. Ha nyuma, utondobole abashosi booshi, kutondeerera ku myaka makumi gabiri neꞌngingwe. Mukuba, bo bangaba basirikaani.»

3 Ku yikyo kyanya, Abahisiraheeri booshi bâli shumbisiri mu ndekeera zeꞌMohabu, ha butambi lyoꞌlwiji Yorodaani, i kajabo keꞌYeriko. Kwokwo, Musa bo noꞌmugingi Heryazaari, banamenyeesa abakulu baꞌBahisiraheeri ngiisi kwo bagaharuura abandu, ti: 4 «Mukizi haruura abashosi, kutondeerera ku myaka makumi gabiri neꞌngingwe, nga kwo Nahano keera akabwira Musa.» Abahisiraheeri ábakashaaga i Miisiri, umuharuuro gwabo gwo gwogu:

5 Rubeni, ye fula ya Yakobo. Beene Rubeni, bo baaba: Hinoki, ye yishe waꞌBahinoki. Paalu naye, ye yishe waꞌBapaalu. 6 Hesirooni naye, ye yishe waꞌBahesirooni. Karimi naye, ye yishe waꞌBakarimi. 7 Yabo booshi, bo beene Rubeni. Noꞌmuharuuro gwabo gwâli riiri bandu bihumbi makumi gana na bishatu na magana galinda na makumi gashatu.

8 Uyo Paalu, mugala wage ye wâli Heryabu. 9 Heryabu naye, bagala baage bâli Nemweri, na Datani, na Habiraamu. Datani na Habiraamu, bâli bo baabalya bimangizi ábakahuna imbere lya Musa na Harooni. Ikyanya bakayibiika ku Koora, lyo bakahuna imbere lya Nahano. 10 Ku yikyo kyanya, idaho likayiguka, lyanabamira, kuguma na Koora naꞌbakulikizi baage. Ku kyekyo kyanya, abandi bandu magana gabiri na makumi gataanu banajigimba noꞌmuliro. Yukwo kujigimba kwabo, kanaba kalangikizo koꞌkukizi kengula abandu. 11 Si abaana ba Koora boohe, batakafwa.

12 Beene Simyoni bo baaba: Nemweri, ye yishe waꞌBanemweri. Yamini naye, ye yishe waꞌBayamini. Yakiini naye, ye yishe waꞌBayakiini. 13 Zeera naye, ye yishe waꞌBazeera. Sahuli naye, ye yishe waꞌBasahuli. 14 Yabo booshi, bali beene Simyoni. Umuharuuro gwaꞌbashosi baabo, bâli riiri bihumbi makumi gabiri na bibiri na magana gabiri.

15 Beene Gaadi bo baaba: Sefooni, ye yishe waꞌBasefooni. Haagi naye, ye yishe waꞌBahaagi. Shuuni naye, ye yishe waꞌBashuuni. 16 Hoziini naye, ye yishe waꞌBahoziini. Heeri naye, ye yishe waꞌBaheeri. 17 Haroodi naye, ye yishe waꞌBaharoodi. Hareeri naye, ye yishe waꞌBahareeri. 18 Yabo booshi, bali beene Gaadi. Umuharuuro gwaꞌbashosi baabo, bâli riiri bihumbi makumi gana na magana gataanu.

19 Mu beene Yuda, hâli riiri mugala wage wa Heeri, na Honani. Haliko, yabo bombi bakafwira i Kaanani. 20 Kwokwo, beene Yuda bo baaba: Sheela, ye yishe waꞌBasheela. Pereesi naye, ye yishe waꞌBapereesi. Zeera naye, ye yishe waꞌBazeera. 21 Uyo Pereesi, aba mwiꞌkondo lyage, bâli: Hesirooni, ye yishe waꞌBahesirooni. Hamuli naye, ye yishe waꞌBahamuli. 22 Yabo booshi, bâli beene Yuda. Umuharuuro gwaꞌbashosi bâli riiri bihumbi makumi galinda na ndatu na magana gataanu.

23 Beene Hisakaari, bo baaba: Toola, ye yishe waꞌBatoola. Puuva naye, ye yishe waꞌBapuuva. 24 Yashubu naye, ye yishe waꞌBayashubu. Shimurooni naye, ye yishe waꞌBashimurooni. 25 Yabo booshi, bâli beene Hisakaari. Umuharuuro gwaꞌbashosi, bâli riiri bihumbi makumi galindatu na bina na magana gashatu.

26 Beene Zabulooni, bo baaba: Sereedi, ye yishe waꞌBasereedi. Helooni naye, ye yishe waꞌBaheloni. Yahireeri naye, ye yishe waꞌBayahireeri. 27 Yabo booshi, bâli beene Zabulooni. Umuharuuro gwaꞌbashosi, bâli riiri bihumbi makumi galindatu na magana gataanu.

28 Imilala íkalyoka mu Yusefu, yo yeyi: Manaasi na Hifurahimu. 29 Beene Manaasi bo baaba: Makiiri, ye yishe waꞌBamakiiri. (Uyo Makiiri ye yishe wa Giryadi.) Uyo Giryadi, ye yishe waꞌBagiryadi. 30 Hyezeeri naye, ye yishe waꞌBahyezeeri. Hereki naye, ye yishe waꞌBahereki. 31 Hasiryeri naye, ye yishe waꞌBahasiryeri. Shekemu naye, ye yishe waꞌBashekemu. 32 Shemida naye, ye yishe waꞌBashemida. Hefeeri naye, ye yishe waꞌBahefeeri. 33 Selofehadi mugala Hefeeri, ndaaye mugala wage, bwo atakabuta abaana batabana. Si akabuta abaana banyere naaho. Naꞌmaziina gaabo, hali Maala, na , na Hogula, na Mirika, na Tiriza. 34 Yabo booshi, bâli beene Manaasi. Umuharuuro gwaꞌbashosi, bâli riiri bihumbi makumi gataanu na bibiri na magana galinda.

35 Beene Hifurahimu, bo baaba: Shuteela, ye yishe waꞌBashuteela. Bekeeri naye, ye yishe waꞌBabekeeri. Tahaani naye, ye yishe waꞌBatahaani. 36 Uyo Shuteela akabuta Herani. Herani naye ye yishe waꞌBaherani. 37 Yabo booshi, bâli beene Hifurahimu. Umuharuuro gwaꞌbashosi, bâli riiri bihumbi makumi gashatu na bibiri na magana gataanu. Iyo milala yoshi ikalyoka mu Yusefu.

38 Beene Binyamiini, bo baaba: Beela, ye yishe waꞌBabeela. Hashibeeri naye, ye yishe waꞌBahashibeeri. Ahiraamu naye, ye yishe waꞌBahiraamu. 39 Shofamu naye, ye yishe waꞌBashofamu. Hufaamu naye, ye yishe waꞌBahufaamu. 40 Uyo Beela, akabuta Haridi na Namaani. Haridi, ye yishe waꞌBaharidi. Namaani naye, ye yishe waꞌBanamaani. 41 Yabo booshi, bâli beene Binyamiini. Abashosi bâli riiri bihumbi makumi gana na bitaanu na magana galindatu.

42 Beene Daani, bo baaba: Shuhamu ye yishe waꞌBashuhamu. 43 Yabo Badaani booshi, bâli Bashuhamu. Umuharuuro gwaꞌbashosi, bâli riiri bihumbi makumi galindatu na bina na magana gana.

44 Beene Hasheeri, bo baaba: Himuna, ye yishe waꞌBahimuna. Hishivi naye, ye yishe waꞌBahishivi. Beriya naye, ye yishe waꞌBaberiya. 45 Uyo Beriya ye yishe wa Hebeeri na Malikyeri. Hebeeri naye, ye yishe waꞌBahebeeri. Malikyeri naye, ye yishe waꞌBamalikyeri. 46 Uyo Hasheeri, âli hiiti umunyere, ye Seera. 47 Yabo booshi, bâli beene Hasheeri. Umuharuuro gwaꞌbashosi, bâli riiri bihumbi makumi gataanu na bishatu na magana gana.

48 Beene Nafutaali, bo baaba: Yahizeeri ye yishe waꞌBayahizeeri. Guuni naye, ye yishe waꞌBaguuni. 49 Yezeeri naye, ye yishe waꞌBayezeeri. Shireemu naye, ye yishe waꞌBashireemu. 50 Yabo booshi, bâli beene Nafutaali. Umuharuuro gwaꞌbashosi, bâli riiri bihumbi makumi gana na bitaanu na magana gana.

51 Yabo bashosi booshi baꞌBahisiraheeri, bâli hisiri bihumbi magana galindatu na kiguma na magana galinda na makumi gashatu.

52 Ikyanya bakayusa ukubaharuura, Nahano anabwira Musa kwokuno: 53 «Kirya kihugo, ngabaheereza kyo, bube buhyane bwabo. Na mu kukigaba, ukizi kulikira umuharuuro gwa ngiisi mulala. 54 Umulala úguhimbiri, gugahaabwa buhyane buhamu. Noꞌmulala muniini, gunahaabwe ubuniini. Ngiisi mulala gugaaba noꞌbwagwo buhyane, ukukulikirana noꞌmuharuuro gwaꞌbandu baabo. 55 Kundu kwokwo, mu kugaba ikihugo, bagakoleesa ikibare. Ngiisi bandu bagakizi hyana, ukukulikirana naꞌmaziina ga bashokuluza baabo. 56 Ee! Bakizi koleesa ikibare, mu kugabira imilala mihamu, neꞌminiini.»

57 Beene , bo baaba: Girishooni, ye yishe waꞌBagirishooni. Kohaati naye, ye yishe waꞌBakohaati. Meraari naye, ye yishe waꞌBameraari. 58 Hâli riiri neꞌgindi milala, nayo iri yaꞌBalaawi: Umulala gwaꞌBalibuuni. Noꞌmulala gwaꞌBaheburooni. Noꞌmulala gwaꞌBamaali. Noꞌmulala gwaꞌBamuushi. Noꞌmulala gwaꞌBakoora. Uyo Kohaati, ye yishe wa Hamuramu. 59 Uyo Hamuramu, mukaage ye wâli Yokebeedi. Uyo Yokebeedi, âli munyere Laawi, akanabutirwa i Miisiri. Uyo Yokebeedi, akabutira Hamuramu abaana babiri boꞌbutabana, noꞌmuguma woꞌbunyere. Yabo bagala, bâli Harooni na Musa. Na mwali wabo, ye wâli Miryamu. 60 Harooni, akabuta abaana bana boꞌbutabana: Nadabu, na Habihu, na Heryazaari, na Hitamaari. 61 Si Nadabu na Habihu boohe, ikyanya bakatangaga ituulo lyoꞌkusiriiza ku njira ítakwaniini imbere lya Nahano, banayami fwa. 62 Abaana boꞌbutabana baꞌBalaawi, kutondeerera ku mwezi muguma, neꞌngingwe, bâli riiri bihumbi makumi gabiri na bishatu. Yabo beene Laawi, ikyanya abaabo Bahisiraheeri bakaharuurwa, boohe batakaharuurirwa kuguma naꞌbaabo. Mukuba boohe, ndaabwo buhyane bakalonga.

63 Yabo booshi, bo bashosi bo Musa noꞌmugingi Heryazaari bakaharuura, mu tubanda tweꞌMohabu. (Yutwo tubanda, twâli riiri ku ngombe yoꞌlwiji Yorodaani, hoofi naꞌkaaya keꞌYeriko.) 64 Mu yabo bandu ábakaharuurwa ubuzinda, ndaaye kiri noꞌmuguma úkasigala ku balya ábakatee haruurwa na Musa noꞌmugingi Harooni mwiꞌshamba lyeꞌSinaayi. Ee! Balya ba mbere, ndaaye kiri noꞌmuguma wabo úkasigala. 65 Si Nahano âli mali gwanwa ababwira kwo booshi bagaherera mwiꞌshamba. Kwokwo, ndaaye kiri noꞌmuguma úkasigala, átali Kalebu mugala Yefune, na Yoshwa mugala Nuuni.