Ɓiɓɓe ƴuwɓe e Aadama
5
1 Inan binndi kollooji ƴuuruɓe e Aadama:Nyannde Laamɗo tagunoo neɗɗo ndeen, dow alhaali makko o tagi ɗum. 2 O tagi gorko e debbo, o barkini ɓe. Nyannde ɓe taganoo ndeen o inndiri ɓe «Neɗɗo».
3 Nde Aadama wuurnoo duuɓi 130 ndeen, heɓi ɓiɗɗo e dow alhaali muuɗum, nannduɗo e muuɗum. O inndiri oon Siita. 4 Caggal rimeede Siita, Aadama wuuri duuɓi 800. O rimi ɓiɓɓe worɓe e rewɓe. 5 Duuɓi Aadama fuu wo 930, de maayi.
6 Nde Siita wuurnoo duuɓi 105 ndeen, heɓi ɓiɗɗo gorko bi'eteeɗo Enos. 7 Caggal rimeede Enos, Siita wuuri duuɓi 807. O rimi ɓiɓɓe worɓe e rewɓe. 8 Duuɓi Siita fuu wo 912, de maayi.
9 Nde Enos wuurnoo duuɓi 90 ndeen, heɓi ɓiɗɗo gorko bi'eteeɗo Kenan. 10 Caggal rimeede Kenan, Enos wuuri duuɓi 815. O rimi ɓiɓɓe worɓe e rewɓe. 11 Duuɓi Enos fuu wo 905, de maayi.
12 Nde Kenan wuurnoo duuɓi 70 ndeen, heɓi ɓiɗɗo gorko bi'eteeɗo Mahalalel. 13 Caggal rimeede Mahalalel, Kenan wuuri duuɓi 840. O rimi ɓiɓɓe worɓe e rewɓe. 14 Duuɓi Kenan fuu wo 910, de maayi.
15 Nde Mahalalel wuurnoo duuɓi 65 ndeen, heɓi ɓiɗɗo gorko bi'eteeɗo Yared. 16 Duuɓi Mahalalel caggal rimeede Yared wo 830, o rimi ɓiɓɓe worɓe e rewɓe. 17 Duuɓi Mahalalel fuu wo 895, de maayi.
18 Nde Yared wuurnoo duuɓi 162 ndeen, heɓi ɓiɗɗo gorko bi'eteeɗo Henok. 19 Caggal rimeede Henok, Yared wuuri duuɓi 800, o rimi worɓe e rewɓe. 20 Duuɓi Yared fuu wo 962, de maayi.
21 Nde Henok wuurnoo duuɓi 65 ndeen, heɓi ɓiɗɗo gorko bi'eteeɗo Matusala. 22 Caggal rimeede Matusala, Henok wuuri 300, e ley ɗum fuu imo wondi e Laamɗo. O rimi ɓiɓɓe worɓe e rewɓe 23 Duuɓi Henok fuu wo 365. 24 Henok wuuri ina wondi e Laamɗo. Caggal ɗuum, o yi'aaka, sabo Laamɗo adii mo.
25 Nde Matusala wuurnoo duuɓi 187 ndeen, heɓi ɓiɗɗo gorko bi'eteeɗo Lamek. 26 Caggal rimeede Lamek, Matusala wuuri duuɓi 782, o rimi ɓiɓɓe worɓe e rewɓe. 27 Duuɓi Matusala fuu wo 969, de maayi.
— Oon waaltinan hakkillooji meeɗen e ley golleeji men e tampiri juuɗe meeɗen dow leydi ndi Joomiraaɗo huɗi ndiin.
30 Caggal rimeede Nuuhu, Lamek wuurii duuɓi 595. O rimi ɓiɓɓe worɓe e rewɓe. 31 Duuɓi Lamek fuu wo 777, de maayi.
32 Duuɓi Nuuhu wo 500, de rimi Saam e Haam e Yaafasu.