Ā-isii keey wōloo mii Iriin
4
1 Nee :nyi irook sookwiintoochii keey ākoopooryō? Mākuut chookwook chaa raacheen chu mii kuu-iimook mētēwēy aku-iraak ākwiintoochii keey kilēē nyoonēē. 2 Āmārēēkwaan kilē ntā koonyōōru tukun choo mooting'ēy amoonyōōruuy. Nkanyi āmārēy āpāriisyēē kilē soonyōōruu. Ārōōtiniikwaan ng'at koong' tukun chēpō piich āmoomuukēy ānyōōru nkanyi ākwiintoonootēy ākoopooryootō ākōō piich. Moonyōōruukwaan tukuuchoochēē, āmu moosoomēēkwaan Iriin kukōōnook. 3 Mpō paani koosoom, ku moonyōōruuy āmu āsoomēy saa-iree tukun chaa raacheen. 4 Muutyō, piich choo kyoochuunnyēērēē Iriin. Moonkēt akwaan kilē nēē chuutook :tukun chēpō ng'wēny, ālēku puun chēpō Iriin? Chiich aka tōkōl nyoo kālēwēn kilēku choorwoo ng'wēny, ku puunyoon :chiichoonēē nkōō wōloo mii :Iriin.5 Ng'ālyoon nyēpō man nyi mwoorēy :siruut kilē, “Mārēy :Iriin toomirmiir nyoo kiikōōnēēch kuukoonyitēy inyeentee ākityōōn.” 6 Riirēēnēēch nyuun :Iriin nkōō chamateenyiin kilēē paani mwoorēy :siruut kilē, “Tāyēy :Iriin piich choo lāsēy keey, akuriira :choo āpēy keey ng'wēny.”†
7 Kunyuun oo, piichooch, ā-isii keey Iriin akaatay *Syeetaani. Nēē a-ir kilēē nyoonēē, kuuripō :Syeetaaninoonēē wōli āmii. 8 Nēē āriichi Iriin, kuriiku :inyeentee wōli āmii. Ātiliilō ēēruunēkwook choo kyaa-ir ng'ōōki akaakany kureelachiniituuy mootinēēkwaan choo kyaasak kāāpkootuutēkwook. 9 Ānārēēkyēē, āriiryō ākoonchōōyō akipō tukun chaa raacheen choo kyaa-ir. Nyoo kātooroorsōōt, āriiryō, aku nēē kātoopāypāyiituuy, ānārēēkyō. 10 Nēē ā-āp keey ng'wēny nkōō taayuu Kiptaayaan, kuutōrōōrook :inyeentee.
Ameeng'alaalee tuupchēēng'uung' nkōō oor nyaa ra
11 Tuupchēēnichuuch, maang'alaalee keey nkōō oor nyaa ra. Chiich aka tōkōl nyoo māchāmēy tuupcheenyiin ku kaakuput :chiichoonēē ng'ātuut chēpō Iriin amāchāmēy :ng'ātuutyoonoonēē. Mēēting'ēēnyēēn kaamuuka imwaa kilē ra :ng'ātuut ntā karaam. Maraat ikoonyit ng'ātuut. 12 Iriin nyi kiikōōnuuy ng'ātuut aku :inyeentee kipaat nyoo ting'ēy kaamuuka kuurwoochi piich. Inyeentee nyi sāruuy piich ntā kung'am piich. Ara inyēēn ng'oo nyuun siimwaara kilē ra chiitō aka?
Maalas keey
13 Kunyuun oo, pichu, ateertee kee :akwaan choo āmwoorēy kilē, “Aniinee ntā ku āsuun, kēēpēētiichaan ārii aka akeepa kēētēpi wōliinēē kēny ākoong'o kēē-āltooy tukun ākēēnyōōruuy rōōpiyō chaa chaang'.” 14 Āmu nee soopkootēēkwaan kilēē nyoonēē? Ānkēt :akwaan kilē yēēkāy kilē nēē kōōrēē āsuun? Akarkee :akwaan nkōō kisuunti nyoo yuung'uuy aku nyoo matyaan, kusarat akupēt. 15 Kir nyoo maraat āmwoorēy ku nyi, “Nēē cham :Iriin kēēmāng'iisyēē, kēēmāng'iisyō akee-ir kiyi ntā ku nyi.” 16 Ku, nēē kātoo-irēēkwaan nyuun kilēē nyoonēē, alas keey. Ra :lasataanoonēē.
17 Āsōwu nyuun kilē chiich aka tōkōl nyoo nkēt kir nyaa karaam nyoo maraat ku-ir, ama-ir, ku kaaku-ir ng'ōōki.