6
1 Akanya keetasa taay nyuun kēēnāryēē ākēētē kamas koonēētuutēpō taay chēpō lōkōōyipō *Kiriistō. Māmārēy keereera keeneetaak āwāliisyēērēē pāyiisyōōn choo mēētoorētēy kir, aku mārēy ātiirēē keey Iriin. 2 Mēērookēē kēē-ōōchi keeneet chiich wōloo /kiipootiisāntooy piich ntā ku wōloo /kiikōnōōrtooy ēēruun, ng'ēētyoo meerat ntā ku kiirwook nyēpō ākōy. 3 Aku, keetasa taay nyuun ākōō koonēētuut walak nēē chāmwēēch :Iriin.4-6 Nēē kiisip kisōwu :piich lēpooyinpō *Kiriistō, akiikuchamcham kōōnunō nyēpō kipsēnkwēt, akiikunyōōru Toomirmiir nyoo Tiliil, akichamcham kāroominpō ng'ālyoontoo Iriin, akuuro wōloo lēē kaamuukaa kōōr nyoo rēēl, akuureer kutay *Kiriistō, ku mēēmuukēē kuwāliisyēērēē rāyiityō kuureer, āmu nēē katay :pichoochēē Yēēsu, ku lēē yoo keereer kupārchi Wēēroo Iriin kimurtooyoon aku-ir /kēēmuul.
7 Lēē :piipō *Kiriistō par. Pēēruroot par nyoo rōōpēnchinii roop akuyi par choo toorētēy piich choo pālēy. 8 Aku par nyoo kāpiityēērēē :katōōyi ākōō kērti ku puch akuumuukēy kutilchi :Iriin kiirwook akeepeela ma nkōō pērēētuu nyēpō lēt.
9 Choorweeyiichuuch, mpō ntā kakung'alaal kilēē nyēēnyi, kēēnkēt kilē ā-irēēkwaan ng'al choo kāroomēēn, āmu /kiikēēsārwook man. 10 Pō man :Iriin kutilchinii chiich kiirwook. Māruutyēērēē pāyiisyēēng'woong' ntā ku choomnyoot nyoo kyoong'uuti inyeentee ātoorētēy piichiich ākootāsēy taay ātoorētēy pichoochēē. 11 Kimārēēkwaan tōkōl ākiil keey ā-irēy kilēē nyoonēē ākōy pērēētuu nyēpō lēt taasiltee nkōō kiyoonēē āmoong'uuy. 12 Mākēēmārēēchaan ālēkuu sārātoon, aku kumārēy atuup piich choo rānēy Iriin kitya akumurtooy sikunyōōru kiyoo kiikuuyoomiis :Iriin.
Pō man :kiyoo kiikuuyoomiis :Iriin
13 Kii nēē yoomiisēy :Iriin Apraam, ku kiisirpēnō keey inyeentee kilē irēy kiyoonēē, āmu kiimoomii :chiich nyoo kii ōōw kusiir inyeentee. 14 Kiisirpēn kilē, “Āpēēruuriin inyōōru kuukōtiin chaa chaang'.”† 15 Kiimurta *:Apraam kikānyiisyēy, akinyōōru kiyoonēē /kiikiiyoomiisēy. 16 Nēē sirpēnēy :piich, kukuurēy chiich nyoo ōōw kusiir akwaaneek, tākunyikisiit /akēēchāmchi ng'aleekwaak. 17 Āmu kiimārēy nyuun :Iriin kung'uuti piich choo kiipēētiiy kunyōōruuy kiyoo kiiyoomiis kilē mēēmuukēy kuwala, kusirpēnō keey ng'alēēchoochēē. 18 Kunyuun, ki-ir :Iriin tukun ārēēny: kiiyoomiis akusirpēn. Ng'uutuuy nyoonēē kilē māwālēy kiyoo kaakumwooru āmu mā ākōy kung'uurnaan. Ki-ir kilēē nyoonēē kicheereech choo kiikēēmwērchi inyeentee akeenam kukaraam kiyoonēē kiimoong'uuy. 19 Chēērēēch :kiyoonēē kiimoong'uuy kilēē ang'wa nyoo kiiloot nyēpō sopoon nyoo /kutiirēē keey, /akiikurāti Wōloo Tiliil Kitya mu *Kōpō Iriin. 20 Kiikuuntoroor :Yēēsu wōloonēē nyuun sikusoom Iriin kunyōōwēēch kaat ng'ōōkiichooch. Nkanyi kiikilēku :inyeentee Tisiinteenyoon nyoo Ōōw nyēpō ākōy kilēē Mēēlkisētēēki.