Ōōw :Yēēsu kusiir Muusa
3
1 Choo kituupchō, choo kiikuurook :Iriin akuutapaanaak ālēku chaachiich! Apkaata kee kiyoo /kung'uutuuy nēē /kumwoorēy kilē kiichō :Yēēsu kilēku *Kāāyooytooyiin akilēku *Tisiin nyoo Ōōw. 2 Kiikoonyit :inyeentee Iriin nyoo kiilēwēnēy ku-irchi pāyiisyōōni, kilēē paani kiikoonyitēy *:Muusa, kuuryoonchinii kōpō *:Israayeel. 3 /Kiikoonyitēy chiich nyoo kitēēkēy kō kusiir koot. Nkōō oor nyoo lēē nyoonēē /kēēkoonyitēy Yēēsu kusiir *Muusa. 4 Kō aka tōkōl kichēpēy chiich, aku Iriin nyoo kiichēp tukun tōkōl. 5 Kiikoonyitēy *:Muusa pāyiisyeenyiin tōkōl kilēē kipāyityoontoo kōpō *Israayeel, akiing'uutuuy ng'al choo kiiwō king'oong'uuy :Iriin nkōō kēnyiis choo mii taay. 6 Aku nyuun koonyitoot :Yēēsu kilēē wēērii nyoo ryoonchinii kaa Iriin. Kipoochaan kaayoonēē, nēē kitas taay keenam kiyoonēē kiimoong'uuy ākēēlāsēē keey nkōō nyakanat.Āriip keey simoochuunnyēērēē Iriin
7 Ānkēt :akwaan kilē mwoorēy :Iriin kupunuunō Toomirmiiryeenyiin kilē,
“Nēē ateer aniinee kiyoo āmwoorwook,
8 ku maakar mētēwiiyiikwook
kilēē paani kii-irēy :paapatiinēkwook choo kiichuunnyō,
akuutyaman mu suur kwēēn.
9 Kii-iiman paapatiinēkwook akuutyaman,
mpō ntā kikiikuuro kwōng'uut choo kyaa-ir nkōō kēnyiis artam.
10 Nkanyi, kyoonārēēchi pichoochēē akaamwaa kilē,
‘Liipootēēn ākōy amaatuup oortineechuuch.’
11 Kyoosirpēn akipō pichoochēē nkōō ng'woonin,
akaamwaa kilē, ‘Mā ākōy kinyōōru kiimuny nyoo kyooyoomiis akwaaneek.’† ”
12 Kunyuun oo, choo kituupchō, āriip keey simaa-ir ng'ōōki ākoochuunyēērēē Iriin kuti mootiirēē keey. 13 Acheera keey pērēētuus tōkōl nēē toosōpsōōt, tama-iraak :ng'ōōki ālēku sālwēy akukar mētēwēyiikwook. 14 Nēē kitas taay kēētiirēē keey Iriin ākōy pērēētuu nyēpō lēt kilēē paani kiikēētoowu, keepa keeramta ākōō *Kiriistō. 15 Kilēē paani /kātākēēmwoorēy kilē,
“Nēē ateer aniinee kiyoo āmwoorwook,
ku maakar mētēwiiyiikwook
kilēē paani kii-irēy :paapatiinēkwook choo kiichuunnyō.”†
16 Mpō ng'oo :choo kiiteer kiyoo kiimwooru :Iriin akichuunnyēērō? Ma akwaaneek :tōkōl choo kiimutuunēē *:Muusa Miisiri? 17 Ng'oo choochēē kiinārēēchi :Iriin kēnyiis artam? Mā pichoochēē kii-ir ng'ōōki, akumēērchi suur kwēēn? 18 Kii ng'oo chu kii sirpēnchinii :Iriin kilē mā ākōy kinyōōru kiimuny nyoo kiyoomiis? Kii pichoochēē maateer iit inyeentee. 19 Kuurōōtēy nkōō yēēnyi nyuun kilē maanyōōru :pichoochēē kiimuny nyēpō Iriin, āmu kii maaran inyeentee.