Kōrōōmō pērēētuus chēpō lēt
3
1 Tiimōti, ipkaataata kee ng'ālyoontooni: Kōrōmiituuy :pērēētuusyēk chēpō lēt. 2 Lēkuuy :piich piich choo chāmēy keey kipaat akicham rōōpiyēēkwaak. Lāsēy keey akumēēnnyō. Ng'āloolootēērēē piich walak nkōō oor nyaa ra, amēēwārēy sikiikwaak, amāting' kumwa kōōnkēy nkōō kir aka tōkōl. Lēkuuy piich choo mā tiliilō nkōō taayuu Iriin, 3 amāting'ēy choomnyoot. Māriirēē piich, akuutoomchinootēy piich ng'al, amāting' kuriip keey ng'al. Sāmisiituuy, akichāmēy ku-irēy ng'al chaa raacheen. 4 Āltooy keey, akuturchinootēy ng'al. Āpēy keey kilē nkēt kir aka tōkōl. Lēkuuy piich choo kiicham lala kusiir kucham Iriin. 5 Irtooy keey kilē pō Iriin, akutāyēy nyuun kaamuukeenyiin. I-istoorēē keey piich choo lēē choochēē.6 Mii :walak nkōō pichoochēē choo chōōrtooy keey kēēstoonipō piich akupa kuumēlmēēlootō chēēpyōōsōōy choo kuskusō mētēwēy choo kiikunyikisiiti :ng'ōōki akiikupayta :mākuut chēpō kir aka tōkōl. 7 Wāsēy :chēēpyōōsōōchoochēē koonēētuut chaa reelacheen kuumān aku mēēmuukēy nyuun kusōwu ng'ālyoon nyēpō man.
8 Kārēy :pichoochēē ng'ālyoon nyēpō man kilēē paani kiikārēy :Yaanee ākōō Yaampuree *Muusa. Piich :pichu choo kiikukwōng'yō ākiikupētyō nkōō man. 9 Mā-itēy nyuun :pichoochēē ōy, āmu rōōtēy :chiich aka tōkōl sālwoonti nyoo ting'ēy akwaaneek kilēē wōli /kiikuurōōtitooy nyēpō Yaanee ākōō Yaampuree.
Ng'ālyoon nyēpō lēt nyoo /kiikuukiilchi Tiimōti
10 Tiimōti, āpkootaa kilē inkēt :inyēēn akipō koonēētiisyeenyuun ākōō wōloo ātēptooy. Inkēt :inyēēn wōloo āpāyiisyēēchinaa Iriin nkōō sopoon nyaanyaa ākōō wōloo ārāntooy. Inkēt inyēēn mpō kilē māsip ānārēēkaa ākooting'ēy choomnyoot ākōō kirintaar. 11 Inkēt :inyēēn mpō wōloo kyaakiring'taa usāt nyoo kyoonyōōru ākōō nyāriluut paani kyoomii Antyookya, Ikoonnya ākōō Luustra. Mpō ntā kilēē nyoonēē ku kiisārwaa :Kiptaayaan nkōō tukuuchoochēē tōkōl. 12 Pō man kilē /ku-usēy chiich aka tōkōl nyoo kāchāmchi keey kutuup Yēēsu *Kiriistō. 13 Ku piich choo kiiku-ir ng'ōōki, choo mēlmēēliisyootēy, kutāsēy taay kuraachiituuy kitya kuumēlmēēliisyootēy /ākēēmēlmēēlootēy akwaaneek. 14 Akipō inyēēn nyuun oo, Tiimōti, itas taay ituup kir nyoo /kiikuuneetin akiiran, āmu inkēt :inyēēn pichu kiineetin 15 ākōō mpō wōloo kiinkētitō siruut chēpō Iriin kung'eetee mining'iityēēng'uung'. Kiitoorētin :siruutēchoochēē isōwu kilē /kusāruuy piich nēē tiirō keey *Meesaaya Yēēsu. 16 Pkoonēē :siruutēchoochēē tōkōl wōloo mii :Iriin. Kāroomō :siruutēchoochēē, nēē /kiinēētiisyēērō /akeekara koong' tukun chaa raacheen, /keechuula ng'al /ākēētukoonō piich kumāng'iisyō sopoon nyoo maraat, 17 sikuchēpō :chiich nyēpō Iriin kukaraam akipō pāyit aka tōkōl nyaa karaam.