Āchēpō keey akipō chōōnātoo Kiptaayaan
5
1-2 Choo kituupchō, māmārēy keesirwaak ng'al chaa chaang' akipō pērēētuu nyoo chōōnēē :Kiptaayaan, āmu ānkēt :akwaan kilē chōōnēy :Kiptaayaan kilēē chōōriin nyoo chōōnēy lang'a. 3 Nēē mwooruuy :piich kilē kaalya :kōōrēē, ku yoonēē yoo /kung'āmēy pichoochēē. Pkoonchinii pichoochēē :ng'alēēchoochēē kilē weel kilēē ng'woonin nyoo nyōōruuy :cheepyooso nyoo mārēy kutuum laakwa. Māchirilēy :chiich. 4 Aku nyuun choo kituupchō moomiikwaan tuurin nyoo muukēy kunyōōrwook :pērēētuunoonēē ku moochēpootēēn. 5 Āpookwaan tōkōl lēpooyin ākoopō pērēēt. Mākēēpō tuurin amaakēēpō lang'a. 6 Nkanyi nyuun, māmārēy kēēruuyēē kilēē piich walak, aku mārēy kēēchikōnootēēn ākēēriipēy keey, 7 āmu lang'a paani ruusōōt :piich, aku lang'a paani pōōkitsōōt :piich. 8 Āmu kupoochaan lēpooyin, kumārēy nyuun kēēriipēy keey. Mārēy keelaaka kaarana ākōō choomnyoot kilēē kariipō pooryoot choo /kitēēkēē takat, akeelaak mpō koomoong'unō nyēpō sāruunō kilēē loong'oo pooryoot nyoo /kiiriipēē mēt. 9 Maalēwēnēēch :Iriin kilē kinyōōrwēēch siitēēnyiin nyaa ng'waan, aku mārēy kilē sikusārwēēch kupunuunō :Kiptaayaan Yēēsu *Kiriistō, 10 nyoo kiima akipō achaan kilē takeepee kēēmāng'iisyēē nkōō inyeentee paani kawaraka, nēē tākēēsopsōōt, ntā ku nēē kaakēēmēērō. 11 Kunyuun, mārēy āchēērēy keey ākootoorēt keey kilēē paani āmii ā-irēy.Ng'al chēpō lēt ākōō kooyoomiisō
12 Choo kituupchō, kusoomook ākoonyit piich choo ntōrōōrwook. Kiilēy keey :pichu kuuntōrōōrwook akuukiilook nkōō araa Kiptaayaan. 13 Ākoonyitō pichoochēē kitya ākaacham nkōō pāyit nyoo irēy. Ākootēpō nkōō kaalya.
14 Kisoomook choo kituupchō kilē āpkoong' choo mātēpiisōōt kilēē wōloo maraat, ākiil choo nyōkōōrēēn, ātoorēt choo kuskusō, ākoomurtoochinii chiich aka tōkōl. 15 Aroo kilē moomii :chiich nyoo rooytooy rāyiityō nkōō rāyiityō, aku atyama ā-irchi keey saayit aka tōkōl nyaa karaam ākwoonēēk nkōō ākwoonēēk, ākoo-irchi mpō :piich tōkōl nyaa karaam.
16 Āpāypāyiituu pērēētuus tōkōl, 17 āsooyēy saayitiis tōkōl, 18 āmwoochinii Iriin kōōnkēy nkōō kir aka tōkōl. Ng'ālyoon :nyi nyoo mārwook :Iriin a-ir :choo āpō Yēēsu *Kiriistō.
19 Āmoomiis Toomirmiir nyoo Tiliil. 20 Amaareeng' ng'alēēpō *ōōrkooy. 21 Āchāmchāmēy tukun tōkōl, akaanam choo kāroomēēn, 22 akaataya keey kir aka tōkōl nyēpō rāyiityō.
23 Ku-iraak :Iriin nyoo kōōnuuy kaalya ātililiitu nkōō oor aka tōkōl. Kanya kuriip :inyeentee toomirmiiryēēng'woong', sopoontāng'woong', ākōō pōōrwēyiikwook nyoo moomii :lēēluut ākōy kuwaraka :Kiptaayaantēēnyoon Yēēsu *Kiriistō. 24 Irēy kilēē nyoonēē, āmu kiikukuurook inyeentee /ākēērānēy.