Parwa nyoo kiisirchi :Paawulō
PIICH CHĒPŌ PILIPI
Tookwēēsuut
1
1 Aneen :nyi Paawulō, āmii ākōō Tiimōti kēēpāyiisyēēchinii Yēēsu *Kiriistō. Āsirwook piipō Yēēsu *Kiriistō mu Pilipi kipootō kāāntōōyiik ākōō toorētiik. 2 Kuupēēruurook :Paapa Iriin ākōō Kiptaayaan Yēēsu *Kiriistō ākoonyōōru kaalya.Soowuut
3 Āmwoochinii Iriinteenyuun kōōnkēy nēē āpkootook sayit aka tōkōl. 4 Ākooting'ēy pāypooyō nyoo ōōw nēē āsoowook tōkōl, 5 āmu kiikēētoorētoonuuy keey nkōō pāyiisyoo lōkōōy choo kāroomēēn kung'eetee pērēētuunoonēē kyoonyōōruukwaan ng'aleechu ākōy aniinee. 6 Ākoorānēy kilē tāsēy taay kuukiilook :Iriin nyoo kiitoowu pāyit nyaa karaam nkōō wōloo āmii. Irēy kilēē nyoonēē kutuuwaanta nkōō pērēētuunoonēē wārākēē :Yēēsu *Kiriistō. 7 Man kilē āpkootook kilēē nyoonēē, āmu āpkootoon. Nēē arataat nkōō āng'ōōy ntā nēē ātēkēlēy ākoo-āmtooy lōkōōy choo kāroomēēn, kēērāmtooy :tōkōl pēēruurpō Iriin. 8 Nkēt :Iriin kilē āmoon :ēēmō akwaan tōkōl āmu āchāmook nkōō chamataa Yēēsu *Kiriistō.
9 Āsoowook kilē kunar :choomnyēēng'woong' kitya ākoonyōōru āsōwu Iriin akaanama mēt ng'al kukaraam, 10 saamuuka ālēwēn kiyoo karaam, ākootililiituuy āmooting'ēy lēēluut pērēētuunoonēē wārākēē *:Kiriistō. 11 Āsoowook a-ir ākōy tukun chēpō man kupunuunō :Yēēsu *Kiriistō /sikēētōrōōr /ākēēloosu Iriin.
/Kee-amta Kiriistō mu oor aka tōkōl
12 Choo kituupchō, āmārēy āmwoorwook kilē choo ki-iriisyō nkōō wōloo āmii :aneen ku kiikutoorēt kitas taay :lōkōōy choo kāroomēēn. 13 Nkēt mpō aniinee :riipiik tōkōl chēpō kaa pāytooyiintoo Rooma nkōō piich walak tōkōl kilē arataat :aneen āmu ā-irchinii *Kiriistō pāyit. 14 Kiiku-ir ratweenyuun kunyākāniituuy chaa chaang' choo kituupchō nkōō Kiptaayaan ku-amta lōkōōyipō Iriin nyoo mēēwārēy.
15 Man kilē mii :piich walak choo āmtooy lōkōōyichoochēē pō *Kiriistō ku tuurō moontinēy, aku mii nyuun :walak choo āmtooy lōkōōyichoochēē kiting'ēy kaapkaata nyaa karaam. 16 Āmtooy :akwaaneek āmu chāmoon akuunkēt kilē kiimutwaan :Iriin wōli sootēkēl lōkōōyichiich. 17 Mā-āmtooy :pichoochēē kāpō taay *Kiriistō kiting'ēy kaapkaata nyaa karaam, pkootēy kilē ntā /kutāsi /kēē-usān kutoomii korkoreet. 18 Wōloo nyuun ma kir, nēē āmtooy :walak kiting'ēy kaapkaata nyaa ra, ntā ku-āmtooy :walak kiting'ēy kaapkaata nyaa karaam ku apaypay kilē /ku-āmtooy *Kiriistō nkōō oor aka tōkōl.
Ātāsaa taay āpāypāyiituuy 19 āmu ānkēt kilē nēē āsoowoon akuutoorētoon :Toomirmiiryoo Yēēsu *Kiriistō /kēētyooytooyoon. 20 Āmoong'uuy kilē moo-iraa tukun choo kōōnoon sōōrnān aku ālēkuuy nyakan nkōō wōloo ātēptooy kilēē taay sootōrōōr *Kiriistō nēē toosopoot ntā nēē kaameer. 21 Sāpēēnyuun ku *Kiriistō, ku nēē ameer mpō ku karaam kitya. 22 Nēē toosopoot ku karaam āmu ā-irchinii *Kiriistō pāyit, aku moonkēt kilē nyōōnō nyoo kaykay. 23 Kēētoomtoomēnān :ng'aleechu tōkōl. Āmārēy āwootēpō nkōō *Kiriistō, āmu kir nyaa karaam nyoonēē kitya nkōō aneen, 24 aku kaykayiituuy nkōō akwaan nēē āsopoot. 25 Ānkētaa nyuun kilē ātēpēē kōōrooni nkōō akwaan tōkōl sootoorētook āpāypāchi ākookiilyō nkōō kaaraneeng'woong'. 26 Nēē areer āruutoowook kutasa pāypooyēēng'woong' nkōō Yēēsu *Kiriistō āmu kiyoo kiiku-irwaan.
Kēēkiilō keey akipō lōkōōy choo kāroomēēn
27 Ātēpii kilēē paani mwoorēy :lōkōōyipō *Kiriistō, si nēē koochōōn ārōōtook ntā nēē ateer akipō akwaan, ānkēt kilē āmii kipakoong'o, ākookiilchinii keey :tōkōl lōkōōyipō *Kiriistō. 28 Amaawar puunikwook. Nēē ro :piichoochēē wōloo ārāntooy Iriin, kung'uuti :nyoonēē kilē kiikupētyō :akwaaneek akung'uutwook kilē sārwook :Iriin. 29 /Maakuchāmwook kilē ātiirō keey *Kiriistō kipaat, aku /kiikuchāmwook mpō ānyārilyō akipō inyeentee. 30 Āmiikwaan mpō pooryoonoonēē kyaarookwaan āting'aa ākoonkēt :akwaan kilē toomiiyaa pooryoot mpō aniinee.