Parwa nyēpō ārēēny nyoo kiisirchi :Paawulō
PIICH CHĒPŌ KŌŌRIINTŌ
Tookwēēsuut
1
1 Aneen nyi Paawulō nyoo kiilēwēnān :Iriin ālēku *kāāyooytooyiintoo Yēēsu *Kiriistō ākoomii :aneen nkōō tuupchēēnyoon Tiimōti. Kiitookwēēsook kaaniisaa Iriin nkōō māng'oot nyēpō Kōōriintō ākōō piich chēpō *Kiriistō tōkōl chēpō kōōroo Akaaya tōkōl. 2 Lēyyē, kuupēēruurook :Paapa Iriin ākōō Kiptaayaan Yēēsu *Kiriistō akukōōnook kaalya.Kooykooyēēch :Iriin mu nyāriluutēchooch
3 Kēēloosuu Iriin nyoo paapaa Kiptaayaantēēnyoon Yēēsu *Kiriistō. Iriin ku Paapa nyoo riirēē piich akuukooykooyēy piich nkōō oor aka tōkōl. 4 Kooykooyēēch :Iriin mu nyāriluutēchooch tōkōl sikeekaaykaaya choo ting'ēy nyaril aka tōkōl kilēē wōloo kiikooykooytēēch :inyeentee. 5 Kulēē paani kunyārilsōōt :achaan nkōō nyāriluut chēpō *Kiriistō, /kēēkooykooyēēch kupunuunō *Kiriistō. 6 Āmu kiikēēnyārilyēēchaan, kēēmuukēēchaan nyuun keekaykaayaak ākēētoorētook. Nēē /kuukaykaayeech, keemuuk keekaykaayaak akēētoorētook saamurtee nyāriluut choo kiikunyōōruuchaan mpō. 7 Kuurānēy kilē āmuukēēkwaan amurta nkōō nyāriluut choo kāpkoonchook, āmu kuunkēt kilē kāykooyook :Iriin kilēē wōloo kāykooytēēch.
8 Tuupchēēnichuuch, āpkootaa kilē karaam āsōwuukwaan usāt nyoo kiikunyōōruuchaan nkōō kōōroo Eesya. Kiinameech :ng'ala choo nyikiisēēn kwōng'uut kusiir kaamuukeenyoon. Kiikuupkootēy kilē kiikēēwoonyō. 9 Man kiikiikeeteereechaan mootiinēēchooch kilē /kiikiikēētilchēēch meerat. Aku ki-iriisyō nyuun :ng'aleechu simākutiirēēchaan keey kaamuukeenyoon āchoonēēch aku nyuun sikēētiirēēchaan keey Iriin nyoo ng'ēētēē piich meerat. 10 Man kilē kiisārunēēnēēch :Iriin meerat. Ākēētiirēē keey inyeentee kilē tāsēy taay kusārwēēch, 11 nēē āmiikwaan āsooywēēch. Wāluut chēpō soowuutēchoochēē ku-irēy piich chaa chaang' kumwoochi Iriin kōōnkēy.
Kir nyoo kiikarta Paawulō simāruutoochi Kōōriintō
12 Ng'ālyoon :nyi nyoo kulasee keey. Mwoorwēēch :kāāpkootuutēchooch kilē kiikutēpiichaan ātēp nyoo tiliil aku pō man. Maakitēpi kituup keey nkōō ng'ōrōōmnyō nyēpō piich chēpō ng'wēny, aku kiikutuup :achaan kaamuukaa Iriin kitya paani kiikutēpiisōōt nkōō akwaan. 13 Kusirwook ng'al choo /mākuu-ēēlēy koong'. Aku āting'ēēy moonyuun kilē āsōwuukwaan ng'aleechoochēē kilē siiny pērēētuu aka, 14 mpō ntā toomō āsōwuukwaan paannyēēnyi kukaraam. Nkōō pērēētuuni nyuun wārākēē :Kiptaayaan Yēēsu, ālāsēēnēēch keey kilēē paani kulāsēēnook keey.
15-16 Kilēē paani kooting'ēēyaa man ng'ālyoontooni, āchēp :aneen keey kilē āruutoowook kupōk paani āwēētii Makeetoonnya, aku paani āwārākēē, areer āpunuunēē araanoonēē. Sikuupēēruurook :ruutoortanyuun āsip ārēēny, ātoorētoon mpō paani āwēētii Chuuteeya. 17 Ara, kyoopiirēnaa paani kyoochēpaa ng'aleechu? Ntā āchēpaaneen ng'aleechuuch kilēē piich chēpō ng'wēny choo mēēsiltooy kāāyoomiisēēng'waang'? 18 Āmwoorwook man kilē kilēē paani /kutiirēē keey :Iriin, ātiirēēnoon keey mpō kilē kir nyoo kyoomwoorwook āsiltooy :aneen, 19 āmu Wēēroo Iriin Yēēsu *Kiriistō nyoo kiiku-āmtooy ākōō Siila ākōō Tiimōti akipō inyeentee, kumēēyoomiisēy :inyeentee ama-ir kilēē yoo kaakuuyoomiis. 20 Mpō ntā tyaan :tukun choo kiikuuyoomiis :Iriin, ku-iriisōōt tukuuchoochēē :tōkōl kupunuunō *Kiriistō. Nkanyi kiiloosuuchaan Iriin akipō *Kiriistō kēēmwoorēy kilē, ‘Lēē nyoonēē.’ 21 Iriin nyoo kiikōōnēēch Toomirmiryeenyiin aku-ireech kēēryoong'ēē *Kiriistō kukaraam. 22 Kiikukōōnēēch :Iriin Toomirmiiryēēnyiin kung'uutu kilē kiikēēlēku chaachiich, aku pēruur nyoonēē nyēpō taay nkōō tukun choo tākupkoonēy.