Choomnyoot
13
1 Mpō ntā ang'alaal :aneen nkōō kuut aka tōkōl nyēpō kimukuul mēt ntā nyēpō *malaykeen amooting'ēy choomnyoot, ku āmii :aneen āpōloopōlēy kilēēn. 2 Ntā nēē āting'ēy kōōnunō āng'ālooltoochi Iriin ākoonkēt :aneen kir aka tōkōl nyoo ung'aat ntā āting'ēy kaarana nyoo muukēy ku-ir tul ku-uur, āmooting'ēy choomnyoot, ku kilēēn. 3 Nēē ātō piich choo lēē mēēy tukuuchuuch tōkōl ntā ku nēē ātētō mpō sopoontanyuun kilē /sikēēkoonyitān, āmooting'ēy choomnyoot, ku moomii :kir nyoo ānyōōruuy aneen.4 Murtooy :choomnyoot aku tala. Choomnyoot ku māting'ēy ng'at koong', māmēēnēy, amālāsēy keey. 5 Choomnyoot ku ma-awees, māting'ēy suuynoonti, māsip kunārēēkēy amā-āpēēy ng'al mukulēr. 6 Māpāypāychinii :chiich nyoo ting'ēy choomnyoot tukun chēpō ng'ōōki, pāypāychinii tukun chēpō man. 7 Nēē ting'ēy :chiich choomnyoot kulukurtooy ng'al, kuurānēy, akutiirēē keey *Kiriistō ākōy, akimurtooy.
8 Māng'ātēy :choomnyoot ākōy. Aku ituuy pērēētuu nyoo maakung'ālooltoochinii :piich Iriin, amaakung'āloolēy :piich nkōō kuut nyoo mēēnkēt, /amaakēēng'oonchinii chiich ng'al. 9 Mākiinkēt :achaan paannyēēnnyi tukun tōkōl amākung'ālooltoochiniichaan Iriin kilē siiny. 10 Paani kawaraka :Yēēsu, kēēsōwuuchaan kir aka tōkōl aku pētsōōt kōōnunēy tōkōl. 11 Paani kyoomining' ku kyoong'āloolēy ākoopkootēy ng'al chēpō laakwaanti. Ku paani kyoo-ōōwiitu āmētō ng'al choo kiipō laakwaanti. 12 Kumii nyuun paannyēēnyi kēērōōtēē ng'al mirmirōōn, aku pākēērōōtēy nyuun nkōō pērēētuunoonēē kukaraam. Kiinkēt :achaan paannyēēnyi kareeran chēpō ng'aleechoochēē, aku pākēēsōwuuy nyuun nkōō pērēētuunoonēē ng'al kukaraam kilēē wōloo nkētitēēch :Iriin kukaraam. 13 Wōloo nyuun choo ēēchēēn nkōō ng'aleechu tōkōl ku kēētiirēē keey Iriin, kēēmoong'uu inyeentee akeecham chiich aka tōkōl. Ku kir nyēpō koomānuut nkōō tōkōl ku nyi: ‘Choomnyoot.’