11
1 Atuupaan kilēē wōloo ātuuptooyaa *Kiriistō.Wōloo mārēy kutēptooy :chēēpyōōsōōy mu kaaniisa
2 Ālooswook aneen āmu āpkootēy tukun tōkōl choo kyaaneetaak ākooriipēy koonēētuutēchoochēē.
3 Āmāraa āsōwuukwaan kilē pāyuuy :murēnō cheepyooso, kupāyu *:Kiriistō murēn. Ku nyoo pāyuuy *Kiriistō ku Iriin. 4 Nēē tuk :murēnō aka tōkōl mētinyiin paani mii kusooyēy ntā ku paani mii kung'ālooltoochinii Iriin, kung'uutuuy kilē mēēkoonyitēy :muroonoonēē *Kiriistō. 5 Ku mpō cheepyooso nyuun aka tōkōl nyoo maatuk mētinyiin paani mii kusooyēy ntā ku paani mii kung'ālooltoochinii Iriin, ku maakoonyit poonteenyiin. Karkeey nyoonēē nkōō yoo kēēpuuk mētinyiin. 6 Nēē mātukēy :cheepyooso mētinyiin kung'uutu koonyit nkōō wōloo miitō :poonteenyiin ku kaykay kutil puutēk. Ku paani nyuun mā kir nyēpō koonyit nkōō wōloo mii :pooyoon nēē til :cheepyoosoo puut, ku maraat kutuk mētinyiin. 7 Mēērookēē kutuk :murēnō mētinyiin paani mii kusooyēy, āmu :murēn ku kārkēēyin nyēpō Iriin akuukoonyitēy Iriin. Ku cheepyooso, kuukoonyitēy :nyoonēē poonteenyiin. 8 Kiimaa-irtaara :Iriin murēn cheepyooso, nku /kiku-irtaara cheepyooso murēn. 9 Aku /kimaaku-ir murēn akipō cheepyooso, nku /kiku-ir cheepyooso akipō murēn. 10 Maraat :cheepyooso kutuk mētinyiin sikung'uutu kilē miitō ng'wēnyuu saanteenyiin āmu mii *:malaykeen kuurōōtēy. 11 Mpō ntā lēē nyoonēē, ku wōloo maraat kumāng'tooy piich chēpō Kiptaayaan ku kutiirō keey :cheepyooso poonteenyiin kutiirō keey :pooyoon cheepyooseenyiin. 12 Āmwooraa kilēē nyoonēē āmu mpō ntā man kilē /kiku-irtaara cheepyooso nyēpō taay :murēn, ku man nyuun kilē murēn walak tōkōl ku kiinam :chēēpyōōsōōy aku kir aka tōkōl ku kii-irta :Iriin. 13 Kunyuun, aroo :ākwoonēēk nēē karaam kusooyēy :cheepyooso amātukoot :mētinyiin. 14 Moonkēt :akwaan kilē makaraam kiting'ēy :murēn puut choo koorēēn? 15 Ntā moonkēt akwaan kilē nēē ting'ēy nyuun :cheepyooso puut choo koorēēn ku karaam? /Kikuutē puutēchoochēē sikutuk mētinyiin. 16 Ku nēē mārēy nyuun :chiich aka tōkōl kukwiintaan akipō ng'aleechu, ku mākuting'ēēchaan ng'al choo lēē choochēē amāting'ēy mpō :kaaniiseen chēpō Iriin nkōō wōltō aka tōkōl.
Āmiisyoo Kiptaayaan
17 Moomii :aneen ālooswook nkōō ng'aleechu āmāraa āmwoorwook, āmu kir nyoo āmiikwaan ā-irēy nkōō tuuyootinēēkwook ku kir nyaa ra nēē kātoo-irēy nyaa karaam. 18 Ng'ālyoon nyēpō taay, ku kaateer :aneen kilē mootēērchiniikwaan keey nkōō tuuyootinēēkwook ākoopkootaa kilē man lēē nyoonēē. 19 Āpkootaa nyuun kilē karaam paani koochuunchuunnyō sikutooku kilē mpō ng'oo nkōō kwēēnuung'woong' choo tiliilēēn nkōō wōloo mii :Iriin. 20 Paani kootuuyō, ku moomiikwaan ā-āmēy āmiisyoo Kiptaayaan, 21 āmu paani āmiikwaan ā-āmiisyēy, ku-āmēy :chiich āmiisyeenyiin inyeentee keey nyoo kātāchārēy nkōō piikō walak. Kupa nyuun :piich walak kumaatō kir kuut, ku pōōkitēy :walak. 22 Nēē kātoo-irēy kilēē nyoonēē, ku kaykay ku-āmiisyō :chiich nkōō katanyiin akurēēsyō. Nēē āntuulchinii keey āmiisyō kilēē nyoonēē ku āmiikwaan ārēēng'ēy kaaniisaa Iriin ākoomii āsāsēy piich choo māting'ēy tukun. Ālēēchook nee nyuun? Ālooswook akipō kiyi? Acha! Mēēmuukēē mpō kiitēēn!
23 Kyaaneetaak kiyoo kiimētwoon :Kiptaayaan kilē: Nkōō lang'atuuni /kiiku-āltooy Kiptaayaan, kinam makatyaan, 24 aku paani kiikiikumwoochi Iriin kōōnkēy, kupuutil akilē, “Nyi ku pōōrtanyuun nyoo /kiitētooy akipō akwaan. A-ama saapkaateenaan.” 25 Ku paani kiikaakuuwaang' ku-āmiisyēy, kunam kikoompee nyoo kiimii *:tiipaay akilē, “Miis :nyi nyoo rēēl kupunuunō kērētiichuuch. Paani ārēēy, āmii āpkootēēnoon.” 26 Paani ā-āmēy makatyaantaani ntā ku paani ārēēy tiipaayiichu, āmii āmwoortooy meeraa Kiptaayaan ākōy pērēētuu nyoo wārākēē. 27 Ku chiich aka tōkōl nyuun nyoo āmēy makatyaantaani ntā nyoo rēēy tiipaayiichu nkōō oor nyoo mā karaam, ku kaaku-ir ng'ōōki :chiichoonēē āmu mēērōōtēy kir nyoo ng'uutuuy :pōōrpō Kiptaayaan nkōō kērētiichiich.
28 Maraat kuusyaak keey :chiich kupōk si nēē ityō ku-am makatyaan ntā kura *tiipaay. 29 Āmwooraa kilēē nyoonēē, āmu chiich aka tōkōl nyoo āmēy makatyaan ntā kura *tiipaay kutoomō kusōwu kir nyoo ng'uutuuy :pōōrpō Kiptaayaan, ku-āmēy aku rēēy kumārchinii keey kiirwook. 30 Kiyoonēē nyi ki-iraak chaa chaang' ānyāwyēē, āmnyoonchō, ākoomēērō. 31 Nēē kaakeesyaak nyuun keey ku /maakēērwookwēēch. 32 Nēē rwookwēēch nyuun :Kiptaayaan, kumii /kuchuulēēch /simakung'ameech nkōō piich choo toomō kuuran ng'ālyoontoo Iriin.