2
1 Tuupchēēnichuuch, paani kyoochōōnaa wōloo āmiikwaan soochoo-āmwook lōkōōy chēpō man chēpō Iriin, ku kiimaachōōn āpāyiisyēērēē ng'al choo nyikiisēēn amoo-āp :aneen keey im kilē ang'oroom. 2 Āmwooraa kilēē nyoonēē, āmu kyaatil :aneen ākiilchi keey ng'alēēpō Yēēsu *Kiriistō ākōō chēpō meereenyiin nkōō kimurtooyoon kipaat. 3 Paani kyoochōōnaa wōli āmiikwaan, ku kimooting'ēy kaamuuka akyoowāriisyēy ākoopōōtānēy. 4 Paani kyoonēētisyēy ākoo-āmtooy lōkōōy, ku mēēlē kyoopāyiisyēērēē ng'oroomnyeenyuun ntā kyoosoorsooraa piich, wōloo nyuun kyoong'uutunaa pāyiisyōōnik wōloo lēē :kaamuukaa Toomirmiir nyoo Tiliil. 5 Kyaa-iraa kilēē nyoonēē sootiirēē keey kaamuuka nyēpō Iriin nyoo kātootiirēē keey ng'oroomnyoo piich.Ng'oroomnyō nyoo kōōnuuy :Toomirmiir nyoo Tiliil
6 King'āloolēēchaan lōkōōy chēpō ng'ōrōōmnyō nkōō wōloo mii :piich choo kiikukiilyō kupoyiit *Kiriistō. Amēēlē sōō, ng'ōrōōmnyō nyēpō piich chēpō ng'wēny ntā ku nyēpō pāytooy chēpō pērēētuusyēchu choo mii kupētsōōt, 7 acha, kung'āloolēē chēpuut chēpō Iriin choo kiwung'ootēēn. Kiwung'ootēēn :chēpuutēchoochēē kutoomō /kēētoowu ng'wēny, aku /kiikēēng'oong'wēēch nyuun aniinee sikuutōrōōrēēch. 8 Moomii :chiich nkōō kāāntōōy chēpō ng'wēny nyoo kiinkēt chēpuut chēpō Iriin. Ntā kiinkēt, ntā kiimāpārchinii kimurtooyoon Kiptaayaan nyēpō lēpkēēyō. 9 Ki-iriisyō :ng'aleechu nyuun kilēē paani mwoorēy :siruut chēpō Iriin kilē,
“Lēyyē, moomii :koong' nyoo kiikuuro,
moomii :iit nyoo kiikuteer,
āmoomii :mēt nyoo kiinam ng'al
choo kiikuchēpchi :Iriin piich choo chāmēy inyeentee.”†
10 King'uutwēēch nyuun :Iriin ng'aleechu kiiwung'ootēēn kupunuunō Toomirmiiryeenyiin. Syookēy :Toomirmiir nyoo Tiliil kir aka tōkōl mpō ntā tukun chēpō Iriin choo ung'ootēēn nyaa tyaan. 11 Moomii :chiich aka tōkōl nyoo nkēt kaapkootuut chēpō chiitō aka kung'ētu toomirmiiryoo chiichoonēē. Ku moomii nyuun mpō :chiich aka tōkōl nyoo nkēt wōloo lēē :Iriin kung'ētu Toomirmiiryeenyiin ākityōōn nyoo nkēt. 12 Mā toomirmiir nyēpō kōōrooni nyoo kiikēēnyōōru. Toomirmiir nyoo kiikēēnyōōru ku Toomirmiir nyoo chōōnēē wōloo mii :Iriin sikēēsōwuu kiyoo kiikukōōnēēch :inyeentee nkōō choomnyeenyiin. 13 Ng'aleechwēēchu kumwoorēēchaan ku mēēlē ng'al choo nēētēēch :piich walak nkōō ng'oroomnyēēng'waang', wōloo nyuun ng'al choo nēētēēch :Toomirmiir nyoo Tiliil kung'uutuuy ng'al chēpō man nkōō wōloo mii :piich choo ting'ēy Toomirmiir nyoo Tiliil. 14 Chiich nyoo māting'ēy Toomirmiir nyoo Tiliil ku māchoomsōōt nkōō tukun choo pkoonēē wōloo mii :Toomirmiir nyoo Tiliil. Tēērēy ng'aleechoochēē kilēē ng'al chēpō sālwoonti amāsōwuuy kiyoo mwoorēy, āmu Toomirmiir nyoo Tiliil :nyoo irēy /sikēēsōwu. 15 Muukēy :chiich nyoo ting'ēy Toomirmiir nyoo Tiliil kuuro akusōwu wōloo lēē :kir aka tōkōl. Ku mēēmuukēy nyuun :chiich nyoo māting'ēy Toomirmiir nyoo Tiliil kuuro akusōwu wōloo lēē :chiichoonēē, 16 kilēē paani mwoorēy :siruut chēpō Iriin kilē,
“Ng'oo :nyoo nkēt wōloo lēē :kaapkootuut chēpō Iriin?
Ng'oo :nyoo muukēy kuutukoon inyeentee?”†
Kuting'ēēchaan nyuun kaapkootuut chēpō *Kiriistō.