Kōōkwō nyēpō koomānuut mu Chēērusālēēm
15
1 Kitākumii :Paawulō ākōō Parnapa Antyookya, kupkaana :piich walak Chuuteeya akupa kuuneet tuupchēēnik kilē, “/Mākusārwook nēē /mākumurook kilēē wōloo mwoortooy :ng'ātuut chēpō *Muusa.” 2 Kikwiintoochi keey mpō :Paawulō ākōō pichoochēē akipō ng'ālyoontoonoonēē. Nēē mii lētuun, /keemwa kilē kuwō :Paawulō ākōō Parnapa ākōō piich walak Chēērusālēēm kipa kunyōōru *kāāyooytooyiik ākōō kāāntōōy sikung'alaala ng'ālyoontooni. 3 Kuuyooytō akwaaneek :piich chēpō kaaniisa. Paani kiimii kupēētii araa kōōroo Pōyinikē ākōō *Samariya, kumwoochi pichoochēē kiikiikuuran Iriin kilē kiikuwāliisyō :piich choo kiimālēē Yāwuutik. Kuupaypaay :ng'aleechoochēē pichoochēē.4 Kii nēē it mpō :Paawulō Chēērusālēēm, kitorook akwaaneek *:kāāyooytooyiik, kāāntōōy ākōō piich tōkōl chēpō kaaniisa. Kimwoochi pichoochēē kiyoo kiiku-ir :Iriin kupunuunō akwaaneek. 5 King'ēētyō :piikō walak choo kiikiikuuran Yēēsu choo kii *Parisaayiik akimwa kilē, “Maraat /kēēmur piich choo mālēē Yāwuutik /ākēēmwoochi kutuup ng'ātuut chēpō *Muusa.”
6 Kuutuuyō keey *:kāāyooytooyiik ākōō kāāntōōy sikung'alaalee ng'ālyoontoonoonēē. 7 Paani kaakung'alaala ng'ālyoontoonoonēē nyoo lōōw, kung'eet :Pēētērō akimwa kilē, “Murēchu ānkēt :akwaan kilē kiisip kulēwēnān :Iriin pērēētuus chaa chaang' choo kiikusiirtō nkōō wōloo āmii :akwaan kilē soo-āmchi :piich choo mālēē Yāwuutik lōkōōy choo kāroomēēn sikuteer akuuran. 8 King'uutu :Iriin nyoo nkēt wōloo lēē :kaapkootuut chēpō piich kilē kiichāmēy :inyeentee piich choo mālēē Yāwuutik paani kiitē akwaaneek :Toomirmiir nyoo Tiliil kilēē paani kiikōōnēēch. 9 Maang'uuleech ākōō akwaaneek. Kinyōōchi akwaaneek kaat akipō ng'ōōkikwaak āmu kiiran. 10 Kunyuun oo, āmu nee soomārēy atyam Iriin paani ātēnii piich choo kikuuran Iriin kukalap ng'al choo mākiimuukēēchaan keekalap amaamuuk mpō :paapatiinēchooch? 11 Acha, mālēē nyoonēē! /Kiikusārwēēch nkōō chamataa :Kiptaayaan Yēēsu, aku lēē nyoonēē mpō akwaaneek.” 12 Kisiisyō :piich tōkōl kilē ‘siy’ akuteer Parnapa ākōō Paawulō kumwoochi akwaaneek tukun chēpō kwōng'uut choo kiikiiku-ir :Iriin nkōō wōloo mii piich choo mālēē Yāwuutik kupunuunō akwaaneek.
13 Paani keewaang' :Paawulō ākōō Parnapa kumwa kilēē nyoonēē, kuuryoong' :Chēēmisa akimwa kilē, “Murēchu, ateeraan nyuun. 14 Kaakurārwēēch :Siimnyōn Pēētērō wōloo kiichamta :Iriin piich choo mālēē Yāwuutik kilēku piichiich. 15 Nāmēy keey :ng'aleechu ākōō ng'alēēpō *ōōrkooy choo mwoorēy :siruut kilē,
16 ‘Nēē mii lētuun āwārākēē
ākoo-ōōchi pāyuunāt kōpō Tāwuti nyoo kiikurook.
Kung'eetee tukuuk chu kiing'ētu ātēēkēy kōyoonēē
akaa-ir kuureer kutōrōriit.
17 Sukuwas :piich choo kiikung'ētu Iriin,
kupootō mpō choo mālēē Yāwuutik
choo kyoolēwēn kilēku chaachuuch.’† ”
18 Kitas taay :Chēēmis kumwa kilē, “/Kiikuunkētoot ng'aleechu nkōō kēnyiis chaa chaang' choo kiikusiirtō.
19 Kunyuun, kaatil :aneen kilēē nyi: amaakany kēētāsii ng'al choo nyikisiituuy nkōō wōloo mii :piich choo mālēē Yāwuutik choo mii ku-isuuy keey kupkoonēy wōloo mii :Iriin. 20 Nyoo kātālēē nyoonēē, akany kēēsirchii parwa ākēēmwoochi kima-am āmiisyō nyoo mā *lipoop nyoo /kakisat /akeetapaan kupoyiit kaanamōōn, akukir keey kima-ir takal. Ākēēmwoochi mpō kukir keey pēēny nyēpō tyoony aka tōkōl nyoo /kakunam kaat /akeekeet, akukir keey ma-am kērēti.b 21 Nēē mārēy :chiich kuteer ng'ātuut chēpō *Muusa, kuwō *sinakōōki āmu mii :piich choo sōōmānēy aku-āmtooy ng'ātuutēchoochēē pērēētuu aka tōkōl nyēpō *Sapaato.”
/Kēēsirchinii parwa piich chēpō Kiriistō choo kii mālēē Yāwuutik
22 Nēē mii lētuun, kutil *:kāāyooytooyiik, kāāntōōy ākōō kaaniisee kulēwēn piich /ākēēyooytō kupa ākōō Paawulō ākōō Parnapa ākōy Antyookya. /Kiikukwar Chuuta nyoo /kiikikuurēē Parsaapa nkōō kaarinee aka ākōō Siila. Kiikoonyitootēēn :pichoochēē nkōō wōloo mii tuupchēēnik. 23 Kuuyooytō :pichoochēē parwaani:
“Cham keey akwaan tōkōl. Parwaani ku chōōnēē *kāāyooytooyiik ākōō kāāntōōy choo lēē tuupchēēnikwook choo mii Chēērusālēēm. Kisirchinii piich choo mālēē Yāwuutik choo kiikuuran Yēēsu choo mii Antyookya, Siirya ākōō Kiliikya. 24 Kaakeeteer kilē kapka wōloonēē :piich walak choo maakuuyookuuchaan akupka kuu-iimaak mētēwēy nkōō ng'al choo kiimwoorwook. 25 Kunyuun oo, kaakēētuuyō tōkōl akeecham keekwar piich ākēēyooku kupka wōloonēē. Pkoonēy :pichoochēē ākōō chamanichooch Parnapa ākōō Paawulō. 26 Kaakuchamta :chamanichoochēē sopoonwēkwaak akipō Kiptaayaantēēnyoon, Yēēsu *Kiriistō. 27 Kākuuyookwook nyuun Chuuta ākōō Siila pākumwoorwook nkōō kuutuwayiikwaak kiyoo kakusir. 28 Kakaramiit nkōō wōloo mii :Toomirmiir nyoo Tiliil nkōō mpō wōloo kumii ku mākuunyikisiit ng'aleechu nkōō wōloo āmiikwaan kusiir ng'ātuutēchu: 29 Maa-am āmiisyō nyoo mā *lipoop nyoo /kakusat /akeetapaan kupoyiit kaanamōōn. Ākirō keey pēēny nyēpō tyoony aka tōkōl nyoo /kakunam kaat /akeekeet ākōō kērēti. Ākaaroo keey maa-ir takal. Karaam atayee keey tukuuchoochēē tōkōl. Saaysērē.”
30 /Kēēyooytō pichoochēē kupa Antyookya. Kuutuuyō kaaniisee nkōō wōloonēē pō Antyookya akuutō parwee. 31 Paani kasooman :piich parwaanoonēē, kupāypāchi ng'al choo kiimwa parwaanoonēē choo kiichēērēy akwaaneek. 32 Kimwoochi :Chuuta ākōō Siila choo kii *ōōrkooy chēpō Iriin pichoochēē ng'al chaa chaang' choo kiichēērēy akuukiilēy akwaaneek. 33 Kutēpi :pichoochēē /kiikiiyooytooy wōloonēē pērēētuus choo ng'ērin, ākēēyoomiistō kupa Chēērusālēēm nkōō tāloosyō wōloo kiimii :pichu kiiyookuuy akwaaneek.c 35 Kitēpō :Paawulō ākōō Parnapa Antyookya, kuunēētēy aku-āmtooy ng'ālyoontoo Iriin ākōō piich walak chaa chaang'.
Kipēēsyēyii :Paawulō ākōō Parnapa
36 Kii nēē kaakusiirtō :pērēētuus chaa chaang', kumwoochi :Paawulō Parnapa kilē, “Keewarakee ākēēruutoochi kōōrootin tōkōl choo kiiku-amtaateeree ng'ālyoontoo Iriin sikeeroo wōloo tāstooy taay tuupchēēnichooch.” 37 Kiimārēy :Parnapa kupa ākōō Chowaana nyoo /kiikikuurēē Maarkō nkōō kaarinee aka. 38 Wōloo nyuun kiipkaat :Paawulō kilē kiimayamaat kuwō :Chowaana ākōō akwaaneek āmu kiimētō akwaaneek nkōō Pampulya amaatas taay nkōō pāyiisyōōnoonēē. 39 Kiisiir keey :Paawulō ākōō Parnapa ākōy kupēēsyō. Kipeera :Parnapa ākōō Maarkō mēēli kupa Kuprō. 40 Kilēwēn :Paawulō Siila. Kisoochi :kaaniisee kilē kuupēēruur akwaaneek :Iriin /ākēēyooytō kupa. 41 Kimanaateeree :Paawulō Siirya ākōō Kiliikya kuukiilootēy kaaniiseen.