Kēēkwārēy piich tisap kuutoorēt kāāyooytooyiik
6
1 Nēē mii lētuun, paani kiimii kichoong'iituuy :piich choo kiicham kutuup Iriin, kukwiintoochi keey :Yāwuutik choo kiing'āloolēy kuutii Kirik ākōō choo kiing'āloolēy kuutii Epuraan. Kiikwiintoochi keey āmu kiimwoorēy choo kiing'āloolēy Kirik kilē /kusāsēy mōsōōkiikwaak /kēēchārēy āmiisyō. 2 Kukuur nyuun *:kāāyooytooyiik choo kii lēē taman nkōō ārēēny piich tōkōl choo kiicham kutuup Iriin akimwoochi kilē, “Mā pō man kēēmētēē :achaan kee-amta ntā keeneet ng'ālyoontoo Iriin akeecharta āmiisyō. 3 Kunyuun oo tuupchēēnichooch, akwara piich tisap choo tookuunoot kilē /kiikiinyiriit Toomirmiir nyoo Tiliil akung'ōrōōmō, sikēētēē pichoochēē kipāyu ng'aleechwēēchu. 4 Sikēēkōōnuuchaan keey nkōō saayeet akee-amta ng'ālyoonteenyiin.”5 Kipāypāchi :piich tōkōl ng'aleechoochēē pō *kāāyooytooyiik. /Keekwar Siteepaano, chiich nyoo tiirēē keey Yēēsu akiinyir Toomirmiir nyoo Tiliil. Walak choo kiikukwar ku: Pilip, Prokoraas, Nikanoora, Timoon, Parmeena ākōō Nikoolaas nyoo kiipō Antyookya, chiich nyoo kiicham ātēpuut chēpō Yāwuutik. 6 /Kēēmuti pichoochēē *kāāyooytooyiik. Kisoochi *:kāāyooytooyik pichoochēē akuukonoor ēēruunēkwaak.
7 Kuyāmu nyuun :ng'ālyoontoo Iriin kōōrēē akutas taay kuchaang'iit :piich choo kiicham Iriin nkōō Chēērusālēēm. Kucham *:tisiik chaa chaang' kuuran lōkōōy choo kāroomēēn. 8 Kiipēēruur :Iriin Siteepaano nyoo kiiting'ēy kaamuuka nyoo ōōw. Kitoowu :Siteepaano ki-ir ng'al chēpō kwōng'uut akung'uuti piich tukun chēpō kwōng'uut. 9 Kiitoowu :piich walak kupōlchi keey nkōō Siteepaano. Kiikuurēē keey :pichoochēē “Piich chēpō *sinakōōki choo /kiikeetyaayta.” Kii Yāwuutik :pichu chēpō Kurēēnō ākōō Aleekisaantrya. Kiipkoonēē walak Kiliikya ākōō Eesya. 10 Aku nyuun, kiimaamuuk :pichoochēē ng'oroomnyoo Siteepaano āmu kii-ir :Toomirmiir nyoo Tiliil Siteepaano kung'alaal nkōō ng'ōrōōmnyō. 11 Kunyir kuut :pichoochēē piich walak kumwa kilē, “Kiikuteer kumwoorēy :Siteepaano ng'al chaa raacheen akipō *Muusa ākōō Iriin.” 12 Kii-ir :pichoochēē piich, kāāntōōy ākōō mpō koonēēt chēpō ng'ātuut, kuroochiituuy nkōō wōloo mii Siteepaano. /Keenam Siteepaano /akeemut ākōy kōōkwō. 13 /Keemutu piich choo kiipa kuutoomchi ng'al choo maa-ir. Kiimwoorēy :pichoochēē kilē, “Māmētooy :chiichi kung'āloolēē nyaa ra akipō koonyoon nyi tiliil ākōō ng'ātuut chēpō *Muusa. 14 Kaakeeteer kumwoorēy :chiichi kilē syoorēy :chiichi /kikuurēē Yēēsu nyēpō Naasareet kōyi akuwal ātēpuut choo kiikōōnēēch *:Muusa.” 15 Kiiroot :kōōkwoonoonēē tōkōl kiimii yoonēē Siteepaano. Kuuro kilē karkeey :tokochtanyiin nkōō nyēpō *malayiika.