Lōkōōy choo kāroomēēn kilēē wōloo kiisirta
:CHOWAANA
Kiichō kung'uutu Yēēsu wōloo lēē :Iriin
1
1 Nkōō taay, ku kiimii :Ng'ālyoon, akiimii :Ng'ālyoontoonoonēē ākōō Iriin, akiikarkeey :Ng'ālyoontoonoonēē ākōō Iriin. 2 Kiimii :ng'ālyoontoonoonēē ākōō Iriin king'eetee taay.3 Kii-ir :Iriin tukun tōkōl kupunuunō inyeentee. Ntā mā inyeentee, ntā kiimoomii kir aka tōkōl nyoo /kiiku-irtooy. 4 Chōōnēē :sopoon wōloo mii :inyeentee. Kyoopchi :sopooni piich lēpooyin. 5 Kiipkāng'ēy :lēpooyinoonēē tuurin, akiimaamuuk nyuun :tuurin kuupēl lēpooyinoonēē.
6 Kiiyooku :Iriin chiich nyoo /kiikikuurēē Chowaana. 7 /Kiikuuyooku Chowaana kuchō kumwoochi piich ng'al chēpō lēpooyinoonēē, si nēē muuka, kutaak :piich tōkōl. 8 Kiimā :Chowaana lēpooyinoonēē. Inyeentee :nyi kiichō kumwoochi piich akipō lēpooyin. 9 Kiimii kuchōōnēy :chiitō nyi kii lēpooyin nyēpō man ng'wēny sikuulēpoochi chiich aka tōkōl.
10 Kiichō :chiichoonēē ng'wēny, wōloo nyuun mpō ntā kii-ir :Iriin ng'wēny kupunuunō inyeentee, ku maasōwu :piich chēpō ng'wēny kilē kii ng'oo :inyeentee. 11 Kiichō wōloo mii :piichiich, kutay :piichiich kutaak inyeentee. 12 Wōloo nyuun piich tōkōl choo kiicham kitaak inyeentee akutiirō keey, ku kiichāmchi :inyeentee pichoochēē kilēku laakōōpō Iriin. 13 Kiimoolēku :pichoochēē laakōōpō Iriin kilēē paani mārēy :chiich kunyōōru laakwa ntā kilēē paani tuumēy :chiich laakwa. Iriin ākityōōn :nyoo kii-ir pichoochēē kilēku laakōōchiich.
14 Kiichō kilēku :Ng'ālyoontoonoonēē chiich, akumāng'iisyō nkōō achaan. Kiikuuroo tōrōōrin nyēpō chiichoonēē. Kiichōōnēē :tōrōōrinoonēē wōloo mii :Iriin āmu kii Wēēriinyiin :inyeentee keey. Kiikaraam akichāmēy piich kitya akii-āpu man.
15 (Chiichoonēē nyi kiing'āloolēē :Chowaana paani kyoomtooy kilē, “Chiichi nyi kyoomwoorwook kilē, ‘Mii kuchōōnēy :chiich nyoo ting'ēy kaamuuka kusiir aneen, āmu kiimii :inyeentee kutoomō /keenaman.’ ”) 16-17 Kiikunyōōru tōrōōrin nyoo chōōnēē wōloo mii Wēēroo Iriin akiikeeroo wōloo chāmtēēch kwōng'uut. /Kiikikōōnu ng'ātuut kupunuunō *Muusa. /Keekeera nyuun ng'ātuutēchoochēē choomnyoot ākōō man nyoo /kiikukōōnu kupunuunō Yēēsu *Meesaaya. 18 Moomii :chiich nyoo kiikuuro Iriin. Nyoo kiikuurō Iriin ku :Wēēriinyiin ākityōōn nyoo inyeentee ku ākoong'o ākōō Iriin aku mii yoo lēēkitēē Paapa. Inyeentee nyoo kiimwoorwēēch kilē Iriin ku ng'oo.
Chēpiintoo araa Yēēsu
19 Nēē mii pērēētuu aka kuuyooytō :kāāntōōy chēpō Yāwuutik *tisiik ākōō piich walak choo kiipō kōpō Laawi kupa wōloo kiimii :Chowaana kupa kuteep kilē, “Inyēēn ng'oo?” 20 Kii nēē pa kuteep Chowaana, kimaakutay :Chowaana kuwālchi. Kumwoochi pichoochēē kilē, “Mā aneen *Meesaaya.” 21 Kuteepa :pichoochēē kilē, “Ara, inyēēn ng'oo nyuun? Inyēēn *Eliicha?” Kumwoochi :Chowaana kilē, “Mā aneen :nyoonēē.” /Keeteep kuureer kilē, “Ara inyēēn *ōōrkooyoontoo Iriin nyoo kiing'āloolēē *:Muusa.” Kilē, “Acha.” 22 Kumwoochi :pichoochēē kilē, “Inyēēn ng'oo nyuun? Mwoorwēēch sipākēēmwoochii piich choo kēēyookwēēch. Imwoorēy nee akipō inyēēntēē?” 23 Kuwālchi :Chowaana pichoochēē kilē: Aneen nyi kiing'āloolēēnoon *ōōrkooyoontoo Iriin *:Isaaya paani kiimwoorēy kilē,
“Mii :chiich nyoo kuursyēy mu suur kwēēn kilē,
‘Āchēpō keey,
ākoochēpchi Kiptaayaan aree.’† ”
24 Kii *Parisaay chu kiiyooytō pichoochēē. 25 Kiteep nyuun :pichoochēē Chowaana kilē, “Nēē mēēnyēēn *Meesaaya, amēēnyēēn *Eliicha, ntā ku *ōōrkooyoon nyēpō Iriin, ku āmu nee tēēpootiisāniisyēē?” 26 Kuwālchi :Chowaana pichoochēē kilē, “Āpootiisāniisyēērēē pēr, aku mii nyuun kwēēnuung'woong' :chiich nyoo moonkētkwaan. 27 Inyeentee nyoonēē chōōnēy ku māyāmēy mpō ālēku kipāyityoonteenyiin.” 28 Ki-iriisyō :ng'aleechu tōkōl nkōō Peetannya, kōōr nyoo kiimii kamaspō koong'asiis nyēpō ēēmpō Choortan, wōloo kiipāātiisāniisyēērēē :Chowaana.
Yēēsu, Waawaa keecha nyēpō Iriin
29 Nēē mii pērēētuu nyi kiituupēy, kuuro :Chowaana Yēēsu kuchōōnēy wōloo kiimii :inyeentee. Kumwa kilē, “Ānyiinō *Waawaa keecha nyēpō Iriin nyoo puuytooy ng'ōōki chēpō ng'wēny. 30 Inyeentee nyoo kyoong'āloolēē kilē, ‘Mii kuchōōnēy :chiich nyoo ting'ēy kaamuuka kusiiraa, āmu kiimii :inyeentee kutoomō /keenaman.’ 31 Kiimoonkēt :aneen chiichoonēē kilē ng'oo, wōloo nyuun kyaapaatiisanaa piich pēr, /tākēēng'oong'chi piich chēpō *Israayeel chiichoonēē.” 32 Kumwa :Chowaana kilē, “Kaaroo Toomirmiir nyoo Tiliil kurēkuunō parak kilēē chēēptuukō akunam inyeentee. 33 Kiimoonkēt :aneen kilē kii inyeentee. Kiimwoorwoon nyuun :Iriin nyoo kiiyookwoon āpootiisāniisyēērō pēr kilē, ‘Nēē roo :Toomirmiiryeenyuun kuchōōnō parak akunam chiich, ku chiichoonēē :nyi pootiisāniisyēērēē Toomirmiir nyoo Tiliil.’ 34 Kaaroo ng'aleechu ku-iriisōōt, nkanyi āmwoorwook kilē :inyeentee ku Wēēroo Iriin.”
Kiineetanipō Yēēsu chēpō taay
35 Paani kāwō kuyyeech kōōrēē, ku kiimii :Chowaana kuuryoong'ēy ākōō kiineetanichiich ārēēny. 36 Kii nēē ro :Chowaana Yēēsu kuchōōnēy, kumwa kilē, “Ānyiinō *Waawaa keecha nyēpō Iriin!” 37 Kii nēē teer :kiineetanipō Chowaana kumwoorēy kilēē nyoonēē kumētō Chowaana akutuup Yēēsu. 38 Kuwaraka :Yēēsu kuurō lēt, kuuro :pichoochēē kutuupēy inyeentee. Kuteep :Yēēsu kilē, “Āwāsēy nee?” Kuwālchi :pichoochēē Yēēsu kilē, “Imāng'ēy ānō, aa Raapi?” (Ng'uutuuy ng'ālyoontooni lēē “Raapi” nkōō kuutii Yāwuutik kilē Koonēētiin.) 39 Kuwālchi :Yēēsu kilē, “Apkaana apaaroo.” Kipa :pichoochēē nkōō Yēēsu kupa kuuro wōli kiimāng'ēy akutēpi pērēētuunoonēē nkōō Yēēsu. Kii :saayit ang'wan nyēpō koorōōn.a
40 Ākoong'o nkōō pichoochēē lēē ārēēny nyoo kiteer ng'aleechoochēē pō Chowaana akutuup Yēēsu ku kii Antereeya wēēriing'waang' Siimnyōn. 41 Kuwō :Anteereeya kilē weel akuwō kuwas wēēriing'waang' Siimnyōn akumwoochi kilē, “Kiikēēnyōōru *Meesaaya.” (Karkeey ng'ālyoontooni lēē “*Meesaaya” ākōō *Kiriistō.) 42 Kuumut :Anteereeya wēēriing'waang' kuwō wōloo mii :Yēēsu. Paani keero :Yēēsu Siimnyōn kumwa kilē, “Inyēēn Siimnyōn wēēroo Chowaana kipa /kēēkuurēēniin Keepa.” (Ng'uutuuy kaarinaani lēē “Keepa” kilē raat aku karkeey nkōō “Pēētērō.”)
Kukuurēy :Yēēsu Pilip ākōō Naatanyēēl.
43 Kii nēē yyeech kōōrēē, kuchēp keey :Yēēsu kuwō Kalilaaya. Kutoomō, kuwō kunyōōru Pilip akumwoochi kilē, “Chōōnō lēkuu kiineetaneenyuun.” 44 Kiichōōnēē :Pilip Peetsaayta wōli kiichōōnēē :Anteereeya ākōō Pēētērō. 45 Kiinyōōru :Pilip Naatanyēēl akumwoochi kilē, “Kiikēēnyōōru *Meesaaya nyoo kiing'āloolēē *:Muusa ākōō *:ōōrkooyiipō Iriin. Chiichoonēē ku Yēēsu wēēroo Chōōsēp nyēpō Naasareet.” 46 Kuteep :Naatanyēēl kilē, “Kēēlē nee? Mii :kir nyaa karaam nyoo chōōnēē Naasareet?” Kumwoochi :Pilip Naatanyēēl kilē, “Chōōnō rōōtii keey.” 47 Paani keero :Yēēsu Naatanyēēl kuchōōnēy, kung'alaala kilē, “*Israayeeliin nyuun chiichi nyēpō man nyoo māmwoorēy ng'uurnan.” 48 Kuteep :Naatanyēēl Yēēsu kilē, “Kēēsōwuunēēnoon nee?” Kuwālchi :Yēēsu kilē, “Kaarootiin imii *mookāng'wō keel kutoomō kukuurin :Pilip.” 49 Kuwālchi :Naatanyēēl kilē, “Koonēētiin, inyēēn Wēēroo Iriin, Pāytooyiintoo *Israayeel.” 50 Kuteep :Yēēsu kilē, “Keeranaan sōō āmu koomwooruun kilē kaarootiin imii *mookāng'wō keel? Irōōtēy tukun chaa chaang' kusiir chu.” 51 Kumwa nyuun :Yēēsu kilē, “Āmwoorwook man, ārōōtēy kipsēnkwēt kuyootēē ākoorōōtēy *malaykeen chēpō Iriin kuloong'ēy im akurēkuuy kunyōōruuy *Wēēroo Chiich.”