We Fɔ ma yaa koro
13
1 Yurukɔɔlɔ to wi sɛwɛ yurugo. Davidi Yɛnŋɛlɛ gbɔgɔyurugo.2 Yawe Yɛnŋɛlɛ, ma yaa koro mbaa fɛgɛ na na fɔ sa gbɔn wagati wiwiin?
Ma yaa ma yɛɛ lara na na fɔ sa gbɔn wagati wiwiin?
3 Na jatere wi yaa pye mbe piri na na fɔ sa gbɔn wagati wiwiin?
Na nawa pi yaa pye mbe tanga na na pilige pyew fɔ sa gbɔn wagati wiwiin?
Na jugu wi yaa koro mbe fanŋga ta na na fɔ sa gbɔn wagati wiwiin?
4 Yawe Yɛnŋɛlɛ, na Yɛnŋɛlɛ, na wele mala yɔn sogo!
Fanŋga le na ni, nakoma mi yaa ku!
5 Na ko ka si pye, pa na juguye pe yaa yo pe ya na ni,
pa na winfɛnnɛ pe yaa la yɔgɔri na tolo li kala na.
6 Ɛɛn fɔ mi wo na, mìlan jigi wi taga ma kagbaraga ki na,
mi yɛn na yɔgɔri wa na nawa, naa màla shɔ we.
Mi yaa la yurugo koo mbaa Yawe Yɛnŋɛlɛ li sɔnni,
katugu lì kajɛŋgɛ pye na kan.