Sɛwɛ ŋa wi yɛn na para Ɛsitɛri wi sɛnrɛ na
Sɛwɛ ŋa wi yɛn na para
ƐSITƐRI
wi sɛnrɛ na
Sɛwɛ wi nawa sɛnrɛ
Ɛsitɛri sɛwɛ wi yɛn na para jasumboro wa sɛnrɛ na, ŋa wìla wi yɛɛ go ki pɛrɛ, jaŋgo mboo woolo pe shɔ.
Ki kagala kàa pye Pɛrisi tara wunlunaŋa Sɛrisɛsi wi wunluwɔ sanga wi ni. Zhufuye pe gbɔwɔ la sɔngɔrɔ ma kari pe tara. Ɛɛn fɔ pèle la koro wa Pɛrisi tara bere. Ki Pɛrisi tara wunluwɔ po pìla saa Babilɔni tara wunluwɔ pi jan. Wunlunaŋa Sɛrisɛsi wìla wi jɔ wi wa, mɛɛ Ɛsitɛri wi pɔri wi jɔ. Ɛsitɛri wìla pye Zhufuye jɔ ŋa wìla pye ma yɔn fɔ jɛŋgɛ. Ki sanga wi ni, tara ti togbɔɔ shyɛn woo ŋa pàa pye na yinri Hama, a wì si yɔn le Zhufuye pe na mbe pe tɔngɔ mbe pe kɔ pew. A Ɛsitɛri wi ndojɛ Maridoshe wì si yiri ki yɔn lemɛ pi kɔrɔ na. Kona, a Ɛsitɛri wo naa Maridoshe wi ni pè si gbogolo, ma ŋgbeli, ma pe woolo pe shɔ.
Yɛnŋɛlɛ li mɛgɛ kii yeri wa sɛwɛ wi ni, ɛɛn fɔ Yɛnŋɛlɛ lìli woolo pe shɔ yɛgɛ ŋga na, sɛwɛ wi yɛn na para ko na. Ɛsitɛri wi ndojɛ wìla wi pye fɔ:
Ambɔ ki jɛn na kaa pye ki wagati ŋa wi kala lo ma li ti mà pye wunlunjɔ (Ɛsitɛ 4.14b).
Zhufuye pe fɛti ŋa pe yinri «Purimu», ki sɛwɛ ŋa wi yɛn na wi yirisaga konaa wi kɔrɔ wi yɛgɛ yuun we kan fun.
Sɛwɛ wi yɛn ma kɔɔnlɔ yɛgɛ ŋga na
Ɛsitɛri wìla pye wunlunjɔ 1--2
Hama wìla pye na jaa mbe Zhufuye pe gbo 3.1-15
Maridoshe wìla Ɛsitɛri wi yɛnri wi pe saga 4.1-17
Wunlunaŋa wìla Maridoshe wi gbɔgɔ 5--6
Pàa Hama wi gbo 7.1-10
Zhufuye pàa pe juguye pe gbo 8.1--9.19
Pàa Purimu fɛti wi pye 9.20-32
Sɛrisɛri naa Maridoshe pàa fanŋga ta fɔ jɛŋgɛ 10.1-3