Bè-sànkanii i

Le Dónbeenì

Bè-sànkanii

na le zéenía là a Zãn

Vũahṹ túaró ɲúhṹ

Yìa túara mu bè-sànkanii vũahṹ lé o Zãn na lé o *Krista tonkaro. Pã̀ahṹ na ó o wee túa ho yi ká bìa tà a Krista bìo á ho Oroomu bɛ́ɛ wee beé lò làa sòobɛ́ɛ. O túara ho pã̀ahṹ na ɓa hĩ́a wìira a ɓuan zoó día ho kɔ̃hṹ na wi mu ɲumu tĩ́ahṹ, hìa ɓa le Patimɔɔsi yi. O túara ho á heníanáa bìa tà a Krista bìo sĩa. O le ɓa wíoka dé mí sĩa o Yeesu yi lé bìo ó o dàńna mu bìo ɓúenɓúen. O vũahṹ mu yi á le Dónbeenì páaníi kĩ́nle vũahṹ bìo cɛ̀rɛ̀ɛ wee mi yi.

O Zãn bía mí vũahṹ yi le o Yeesu zéenía míten làa mí. Á lé o Yeesu mu mún bía le o túa bìo ó o mɔn ɓúenɓúen (1). Ó o Zãn ɓɛ̀n túara hã vɔ̃nna bìo hèɲun á nɔnka ɓa kèrètĩ́ɛwa kuio bìo hèɲun na wi ho Azii kɔ̃hṹ yi (2–3). O zéenía bìo ó o mɔn ho wáayi, lè ho sò-mánu fìró, lè hã bũaaní bìo hèɲun, lè mu bìowa bìo hèɲun, lè hã lánpórá bìo hèɲun bìo (4–16). Ho ló-beenì *Babiloona cĩ̀ló là a Satãni lè mí ton-sáwá yáaró bìo (17–20). Bṹn mɔ́n ó o mɔn ho dĩ́míɲá fĩnle na le Dónbeenì léra. O bía le hen làa cĩ́inú ká a Yeesu á à bĩní ì ɓuen (21–22).