Piɛre ɲun níi i

Ho ɲun níi vũahṹ na ó o

Piɛre

túara

Vũahṹ túaró ɲúhṹ

Ho vũahṹ na kà lé o Piɛre túara ho nɔn bìa ɓúenɓúen na dó mí sĩa o Yeesu *Krista yi. Ɓa nùpua ɓúi zon ɓa kèrètĩ́ɛwa kuio yi, á wee vĩ́iní ɓa lè ho kàránló na wi mí dòn lè le Dónbeenì bín-tente. Á ɓa kèrètĩ́ɛwa mu dó míten hã wárá lè mí sìíwà na yí se yi. Lé bán nùpua so bìo yi nɔn ó o Piɛre túararáa ho vũahṹ mu.

O Piɛre le ɓa ko ɓa wé ɓua míten làa bìo le Dónbeenì le mu koráa, à fárá dĩ̀n ho tũ̀iá poni wán, hìa ó o Yeesu tonkarowà kàránna làa ba (1).

O bía le ɓa pa míten ɓa nì-kàránlowà kàránló na bìo yí bon yi (2).

O Piɛre le bìa le o Yeesu máa bĩní máa ɓuen á lé ɓa sabín-fũ̀aalowa. O le o Yeesu mu hã̀ mí sĩi ò o máa ɓuen fùa, lé ɓa nùpua bìo yi, á wi à hàrí nì-kéní kà à yí vĩ́, ká ɓa ɓúenɓúen dàń yí ho pã̀ahṹ à yèrèmá mí yilera lè mí wárá, à le Dónbeenì kã̀ní ɓa (3).