Zaaki i

Ho vũahṹ na ó o

Zaaki

túara

Vũahṹ túaró ɲúhṹ

O Zaaki na lé o Yeesu ɓàn za, lé yìa túara ho vũahṹ na kà. O Yeesu húmú là a vèeró mɔ́n lé bìo ó o tàráa o bìo, á wó a nì-kenínii. Ó o bìo zéenía le o wó ho Zeruzalɛɛmu kèrètĩ́ɛwa kuure ya-dí (Bè-wénia 15). O bíonì yahó sã́ ɓa *zúifùwa na lé ɓa kèrètĩ́ɛwa, na saawaa wi hã kã-vio yi (1.1).

Bìo ɓa kèrètĩ́ɛwa ko ɓa ɓua lè míten lé bṹn ó o Zaaki bía bìo mí vũahṹ yi. O bía le mu bè-zũńminì wee lé le Dónbeenì cɔ̃́n. O mún bía ho nàfòró, lè mu khemu, lè ho kúará khɛ́nló bìo (1.2–2.13).

O Zaaki bía le le sĩidéró le Dónbeenì yi lè hã wárá á lɛɛ́ra (2.14-26). O bía le wa ɲiní paa ko hã kɛń (3.1-13). O mún bía mu bè-zũńminì binbirì bìo (3.13-18). Bìa wee kúee ɓa nùpua mín yi, làa bìa wee ɲùu mín, lè ho nàfòró ɓànsowà bán ɓúenɓúen ó o ɲà zeǹ wán (4.1–5.6). O Zaaki vũahṹ lii véeníi, ó o ɲà ɓa kèrètĩ́ɛwa zeǹ wán le ɓa wé hĩ̀ mí sĩa, à wé fìo le Dónbeenì yi na mín yi.