Timɔtee nín-yání i

Ho nín-yání vũahṹ na ó o Poole túara nɔn o

Timɔtee

Vũahṹ túaró ɲúhṹ

O Timɔtee ɓàn maá hĩ́a lé o *Kɛrɛɛsi nìi, ká ɓàn nu hĩ́a lé o zúifù hĩ́nzoró, á lé o kèrètĩ́ɛ. O Poole là a Timɔtee zũna mín ká a Poole mu wà vaá bue le Dónbeenì bíonì ho Lisitere lóhó yi. Mu pã̀ahṹ ká a Timɔtee lé o yàrónza fɛ̀ɛ. O hĩ́a dó mí sĩi le Dónbeenì yi làa sòobɛ́ɛ (Bè-wénia 16.1-3). À lá bṹn ɲii wán, ó o Timɔtee wã́a bò a Poole yi á ɓa wee sá le Dónbeenì tonló (Bè-wénia 17.14; 18.5; 19.22).

O Poole vɔ̃nna na ó o túara nɔn o Timɔtee yi lé hã bìo ɲun.

Ho nín-yání vũahṹ yi ó o bía bìowa bìo tĩn bìo:

1. O ɲà ɓa kèrètĩ́ɛwa zeǹ wán le ɓa pa míten bìa wee kàrán ɓa lè mu bìo na yí bon bìo yi.

2. O zéenía bìo ɓa kèrètĩ́ɛwa ko ɓa wé ɓùaanínáa le Dónbeenì. O mún zéenía bìo á ɓa kèrètĩ́ɛwa ɓúenɓúen, lè ɓa kuio nì-kĩ́a làa bìa wee séení ɓa ko ɓa ɓua lè míten.

3. Mu véeníi ó o Poole zéenía bìo ó o Timɔtee ko ò o ɓua lè ɓa kèrètĩ́ɛwa à dàń sáráa le Dónbeenì tonló sese.