Lewi nang tukang tagih pajak jadi pangikut Nabi Isa
5:27-32
Nang sigar kada mamarluakan tabib, tapi nang garing haja.
5
27 Wayah Nabi Isa kaluar, Sidin malihat saikung tukang tagih pajak.
Ngarannya Lewi.
Inya parahatan duduk di wadahnya bagawi managih pajak.
“Umpati Aku, jadi pangikutKu” ujar Nabi Isa.
28 Badiri ai Lewi.
Lalu ditinggalakannya gawiannya gasan maumpati Sidin.
29 Imbah itu, Lewi basaruan di rumahnya gasan mahurmati Nabi Isa.
Banyak tukang tagih pajak wan urang urang lain umpat makanan baimbai wan Nabi Isa di situ.
30 Tagal babarapa pamimpin agama Yahudi matan golongan Parisi wan bubuhan guru agama Yahudi bamamai lawan bubuhan pangikut Nabi Isa, “Hakunnya pang bubuhan ikam makanan baimbai lawan bubuhan tukang tagih pajak wan urang urang badusa tu?”
31 “Kada nang sihat mamarluakan tabib, tagal nang garing haja.
32 Nang kaya tabib batujuan mawagasakan urang garing, Aku datang mangiau urang nang badosa sakira batobat.
Aku kada mangiau urang nang manganggap dirinya saleh!”
ujar Nabi Isa lawan bubuhannya tadi.