Nah, imbah Tuan Guru tuntung bacaramah, balalu Kai Impam  maangkat tangan sambil cangang  ka Tuan Guru. “Ulun umpat batakun Guru-lah”, ujar Kai Impam banyaring. “I-ih”, sahut Tuan Guru pina takajut sidin. “Ada napa Kai Impam ?!” jar Guru pulang. Jamaah nang lainnya jua cangangan awan Kai Impam. “Kaya ini Guru-lah”, ujar Kai Impam pina banahap. Sabalumnya ulun minta ampun-minta maaf. Amun ngaran-ngaran  nang pian kisahakan tadi tu, nangkaya  Usuf, Idris, Harun, Musa, Ibrahim …., ulun tahu aja sudah Guru-ai, karna bubuhannya nitu kakawanan ulun samuaan. Kawan main bal, kawan maunjun, kawan manyuar iwak …  Cuma nang ulun kada tahu, nang jar pian Jibril…Jibril tu urang mana Guru …?! Urang kita pahuluan juakah Guru ..??! “ //