(1)     URANG KITA PAHULUAN
Bahari tu amun urang bami’ratan (mamparingati paristiwa Isra’Mi’raj Nabi kita Muhammad Saw) bisa balantak sampai ka subuh. Sualnya Tuan Guru nang mambari caramah biasanya mangisahakan paristiwa Isra’ Mi’raj tarsabut sacara kasaluruhan langkap awan baurutan (runtut). Kisah matan nabi  kita sabalum tulak (pra Isra’ Mi’raj), imbah itu nabi barangkat, kisah salama dalam parjalanan dari Masjidil Haram ka Masjidil Aqsha, kamudian nabi naik ka atas langit, nabi batamuan awan para nabi nang tardahulu (yakni Nabi Adam, Yahya, Yusuf, Idris,Harun, Musa dan Nabi Ibrahim alaihimassalam). Lalu kaya apa nabi kita sampai di Baitul Ma’mur sarta kamudian bar-audinsi dangan Allah SWT di Sidratul Muntaha. Sampai kisah parjalanan nabi kambali pulang ka Makkah Almukarramah.